1 PEDRO 3:14 - Dios Rimashcata Quillcashcami

¹⁴ Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata piñaccunataca ama manchaichicchu, llaquillapish ama caichicchu.

Nuevo Testamento en Quichua Cañar 1996

¹⁴ Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

1 PEDRO 3:14 Referans Kwoze

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

2 CORINTIOS 12:10

Cristomantaca ñuca imatapish mana ruhuaipaclaya cashcamantapish, ñucata camishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipaclaya cashpaca, ashtahuanmi imatapish ruhuaipaclaya cani.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

SAN JUAN 14:1

Jesusca: —Ama shungupi llaquiringuichicchu, ashtahuanpish Diostapish, ñucatapish cringuichic.

MARCOS 10:29

Shina nicpimi Jesusca: —Maijanpish alli huillaita huillangapac, ñucata catishcamanta huasita, huauquicunata, panicunata, taita mamata, huarmita, huahuacunata, allpata saquishpaca,

MARCOS 8:35

Maijanpish quiquin causaita llaquicca chingaringami. Maijanpish alli huillaita cazushcamanta quiquin causaita chingachicca quishpiringami.

SAN MATEO 19:29

Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

SAN MATEO 16:25

Maijanpish quiquin causaita llaquicca chingaringami, ashtahuanpish ñucata caticushcamanta quiquin causaita mana llaquicca causangami.

1 PEDRO 3:6

Sarapish paipac cusa Abrahamta cazushcamantaca, “ñucata mandac” nicmi carca. Cancunapish tucui imatapish allita ruhuashpa, imata mana manchashpaca, Sara huarmipac huahuacunami tucunguichic.

SAN MATEO 10:39

Maijanpish quiquin causaita llaquicca chingaringami, ashtahuanpish ñucata caticushcamanta quiquin causaita mana llaquicca quishpiringami.

JEREMÍAS 15:15

Mandac Dioslla, canca tucuitami yachangui. Ñucata yuyarishpa, ayudangapac shamuiyari. Ñucata piñaccunata ñucata llaquichishca shinallatac llaquichiyari. Ama ashtahuan piñacuillachu. Ñucaca canmantami yalli llaquita apacuni.

JEREMÍAS 1:8

Ñucami ima llaquimantapish quishpichingapac canhuan casha. Ama manchanguichu» nirca.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

FILIPENSES 1:29

Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarcami.

SAN MATEO 10:31

Chaimanta gentecunata ama manchanguichicchu. Cancunacarin, achca zhutacunatapish yalli valicmari canguichic.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

EZEQUIEL 3:9

Cambac umataca sinchi rumita shina, diamanteta shinami ruhuani. Paicunaca mana cazuccunami. Shina cacpipish, paicunapac ñaupapica ama manchanguichu» nirca.

PROVERBIOS 3:25

Cungailla canta llaqui japinatapish, shinallatac Diosta mana manchaccunata llaqui japicpipish, canca mana manchanguichu.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.