1 PEDRO 3:11 - Dios Rimashcata Quillcashcami

¹¹ Millaimanta anchurishpa, allita ruhuanami can. Shuccunahuan sumacta causanata munashpa, chashnalla catinami alli can.

Nuevo Testamento en Quichua Cañar 1996

¹¹ Millaimanta anchurishpa, allita ruhuanami can. Shuccunahuan sumacta causanata munashpa, chashnalla causanami can.

1 PEDRO 3:11 Referans Kwoze

SAN MATEO 5:9

Piñanacushcata allichiccuna, ¡cushicuichic! Cancunami Diospac huahuacuna canguichic.

SALMOS 34:14

Millaimanta anchurishpa allita ruhuangui. Pihuanpish sumacta causana yuyailla cangui.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

ROMANOS 14:19

Chaimanta shuctac criccunahuan cushilla causashpa, Jesusta criccunata sinchiyachishunchic.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

ROMANOS 12:18

Tucuihuan cushilla causanata munaichic.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

HEBREOS 13:16

Caishuc chaishuc ayudanacushpa, allita ruhuanataca amatac saquinguichicchu. Chaimi animalta Diosman cushpa rupachic shina can. Chaitami Diosca cushilla chasquin.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

GÁLATAS 6:10

Chaimanta imata ruhuanalla cacpica, tucuiman allita ruhuashpa catishunlla. Tucuimanta yallica criccunaman allita ruhuashun.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

ROMANOS 8:6

Jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca causaccunaca, cushi causaitami charinga.

ROMANOS 7:21

Ñuca allita ruhuasha nicushpapish, ñucapi tiyac juchaca mana allicunatarac ruhuachic cashcatami yachac chayani.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

SAN JUAN 17:15

Mana cai pachamanta paicunata anchuchichunchu mañanichu, ashtahuanpish tucui millaimanta huacaichichunmi mañani.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

SALMOS 37:27

Mana allimanta anchurishpa allita ruhuai. Chashna ruhuashpami huiñaita causangui.

ROMANOS 7:19

Allita ruhuasha nicushcataca mana ruhuanichu, ashtahuanpish mana ruhuasha nicushcataracmi ruhuani.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

SAN LUCAS 6:9

Jesusca chaipi caccunataca: —Cancunataca caillata tapusha: ¿Samana punzhapica, allitachu ruhuana, mana cashpaca mana allita ruhuanachu alli canga? ¿Huañuimanta quishpichinachu, mana cashpaca, causaita quichunachu alli canga?— nirca.

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

MARCOS 14:7

Huacchacunaca punzhantami cancunahuan canga. Paicunaman allita ruhuasha nishpaca ruhuanguichicllami, ashtahuanpish ñucaca cancunahuanca mana causacushallachu.

PROVERBIOS 16:17

Allita ruhuashpa causaccunaca mana allimanta anchurinmi. Mana allita ruhuanamanta cuidariccunaca causaitami cuidancuna.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

SALMOS 125:4

Mandac Dioslla, allita ruhuac chuya shungucunamanca allita ruhuaiyari.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

JOB 2:3

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, Diostapish manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu. Shina causacucpipish llaquichingapac cui nircanguimi. Shina cucpipish, paica cunancamanca ima mana allita manarac ruhuanchu— nirca.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca piñanmi» ninmi.

JUECES 11:14

Jefteca cutinllatacmi amonitacunata jatun mandacpacman huillaccunata cacharca.