1 PEDRO 3:10 - Dios Rimashcata Quillcashcami

¹⁰ Dios quillcachishcapica: «Maijanpish causaita cuyashpa, unaicaman cushilla causasha nishpaca, quiquin calluhuan mana allita rimanamantapish, quiquin shimihuan llullanamantapish jarcarinami can.

Nuevo Testamento en Quichua Cañar 1996

¹⁰ Dios quillcachishcapica: “Maijanpish causaita c'uyashpa, unaicaman cushilla causasha nishpaca, quiquin c'alluhuan mana allita rimanamantapish, quiquin shimihuan llullanamantapish jarcarinami can.

1 PEDRO 3:10 Referans Kwoze

SANTIAGO 1:26

Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.

1 PEDRO 2:22

Cristoca ima juchata jaicapi mana ruhuarcachu, shinallatac pitapish mana umarcachu.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

APOCALIPSIS 14:5

Paicunaca jaicapi imata mana llullacchu carcacuna. Shina cashpami Diospac ñaupapica jucha illac cancuna.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

SAN JUAN 12:25

Maijanpish quiquin causaita cuyacca chingaringami. Ashtahuanpish maijanpish quiquin causaita cai pachapi mana cuyacca huiñaitami causanga.

PROVERBIOS 8:35

Ñucata caticca causaita charingami. Shinallatac Mandac Diospac cuyaitapish chasquingami.

PROVERBIOS 3:2

Shina ruhuashpami unai punzhacunata, unai huatacunata cushilla causangui.

SAN MATEO 19:17

Shina nicpimi Jesusca: —¿Ima nishpatac allimanta tapungui? Allica, shucllami tiyan. Huiñai causaita charisha nishpaca, mandashcacunata pactachingui— nirca.

PROVERBIOS 4:22

Cai alli yachaita chasquiccunamanca causaitami cun. Shinallatac cambac tucui cuerpopac jambimi can.

PROVERBIOS 3:18

Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

MARCOS 8:35

Maijanpish quiquin causaita llaquicca chingaringami. Maijanpish alli huillaita cazushcamanta quiquin causaita chingachicca quishpiringami.

SALMOS 49:19

huañushpaca paipac ñaupa taitacunahuanmi tandanacugringa. Chashna tucushpaca achic punzhataca jaicapi mana ricungachu.

SALMOS 27:13

¡Gentecuna causana cai pachapi Mandac Diospac cuyaita mana crishpaca, musparishpa huañuimanmi carcani!

JOB 33:28

Diosmi paitaca enterrana jutcumanta quishpichinga. Shina cacpica, achicta ricushpami paica causanga.

JOB 9:25

Ñuca causaica callpac runacunatapish ashtahuan yallimi callpashpa rin. Ima allitapish mana ricushpami callpashca.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

ECLESIASTÉS 2:3

Ñuca yuyaipi allita entendishpapish ñuca cuerpotaca vinota ubiashpami cushichisha nircani. Chashnami huañuclla runa causacuc tucui punzhacunapi paiman ima alli cashcata, imata ruhuana cashcata yachanata munarcani.

SALMOS 106:5

Can acllashcacuna allita ruhuashcata ricungapac, cambac gentecuna cushicucpi cushicungapac, can cushcacunahuan cushicungapacmi chashnaca quishpichina cangui.

JOB 2:4

Shina nicpi, Satanasca Mandac Diostaca: —¡Maijan paita mana imata ruhuacpica, cushillami can! Runaca paipac causaimantaca pai tucui charishcatami cunga.