1 PEDRO 3:1 - Dios Rimashcata Quillcashcami

¹ Shinallatac huarmicuna, cancunapac cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,

Nuevo Testamento en Quichua Cañar 1996

¹ Shinallatac huarmicuna, cancunapac quiquin cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,

1 PEDRO 3:1 Referans Kwoze

COLOSENSES 3:18

Huarmicuna, Apunchic Jesusta cric cashcamanta cancunapac cusacunata alli cazuichic.

EFESIOS 5:33

Shina cacpica quiquinllatac cuyaric shina, cancunapac huarmicunata cuyaichic. Shinallatac huarmicunapish, cancunapac cusacunata alli nishpa cazuichic.

1 CORINTIOS 11:3

Shina cacpipish, Cristoca caripac uma cashcata, cutin carica huarmipac uma cashcata, Diosca Cristopac uma cashcata yachachunmi munani.

1 CORINTIOS 7:16

Can huarmi, ¿cambac cusata ima shina quishpichinata yachanguichu? ¿Can cusapish cambac huarmita ima shina quishpichinata yachanguichu?

GÉNESIS 3:16

Cutin huarmitaca: —Can huicsayuc cacpica, yalli nanaitami mirachisha. Yalli nanaihuanmi huahuata sajuaringui. Canca cusahuan canatami munangui. Cusami cantaca mandanga— nirca.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana caricuna shina fuerzata charinchu. Chaimanta paicunataca sumacta pushashpa causaichic. Cusacunapish, huarmicunapish Dios cuyashcallamanta cusha nishca, huiñai causaita japichun cayashcacunami canguichic. Chashna causacpimi, Diosca cancuna mañashcataca uyanga.

ROMANOS 7:2

Cazarashca huarmica cusa causacucllapimi mandashcapi nishca shina, cusapac can. Ña cusa huañucpica, mandashcapi nishca shinami, mana cusapac saquirin.

1 CORINTIOS 14:34

huarmicunaca criccunapac tandanacuipica upallami cana can. Mana rimanachu can. Moisés mandashcacunapi nishca shinami, huarmicunaca cazuna can.

SAN MATEO 18:15

Maijan cric canta llaquichishpa juchallicpica, paillata cayashpa, paillahuan rimangui. Pai can rimashcata uyashpaca, cutinllatacmi Diospacman cutinga.

COLOSENSES 4:5

Cristohuan manarac caccunahuan tandarishpaca, yachaccuna shina caichic. Shinallatac tiempo tiyashcapica allitac ruhuaichic.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

ROMANOS 6:17

Cancunaca utcapi jucha mandashca causacushpapish, cunanca Diosmanta yachacushcacunataca tucui shunguhuanmi cazushcanguichic. Chaimantami Diostaca pagui nini.

PROVERBIOS 18:19

Huauqui llaquichishca runaca pueblo muyundita pircashca shinami sinchi tucun. Huauquindi piñanacushcaca fierro aldabahuan huichcashca pungu shinami.

PROVERBIOS 11:30

Cashcata ruhuac runaca causaita cuc yura shinami. Alma quishpirichun huillac runaca yachaisapami.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

ROMANOS 10:16

Shina cacpipish, mana tucuichu alli huillaitaca cazurca. Chaimantami Dios ima nishcata huillac Isaiasca: «Mandac Dioslla, ¿ñucanchic huillashcataca pitac crishcayari?» nin.

1 PEDRO 3:2

cancuna cazushpa, allita ruhuacpica, cancuna mana huillacpipish cric tucungalla.