1 PEDRO 2:11 - Dios Rimashcata Quillcashcami

¹¹ Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

Nuevo Testamento en Quichua Cañar 1996

¹¹ C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

1 PEDRO 2:11 Referans Kwoze

GÁLATAS 5:24

Maijanpish Cristohuan caccunaca cai pacha jucha munaicunandi, imapish mana alli yuyaicunandimi chacatashca shina causacun.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

ROMANOS 8:13

Chashna causacushpaca huañunguichicmi. Ashtahuanpish Diospac Espíritu munashca shina causashpaca, jucha munaita chingachishpa causanguichicmi.

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Diosta mañaccunahuan tandarishpa, cuyaihuan apanacushpa sumacllata causangui.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

ROMANOS 7:23

Ñuca cuerpopi tiyac munai, ñuca yuyai allita ruhuasha nicucpi, jarcac cashcatami yachac chayani. Chai munaimi juchapi huatashca shina charicun.

HECHOS 15:29

Ruhuashcalla dioscunaman cushca ofrendatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Caicunata cazushpaca, allitami ruhuanguichic. Allilla cashca cachun» nishpami quillcarca.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SALMOS 119:19

Cai pachapica shamushpallami causacuni. Ñuca ñaupamanta can mandashcacunata ama pacaichu.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

LEVÍTICO 25:23

Allpaca ñucapacmi. Chaimanta ama tucui causaipac catunguichicchu. Cancunaca shuctac llactamanta shamushpa pozac shinallami canguichic.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

1 PEDRO 1:1

Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

SALMOS 119:54

Caru llactapi puricucpica, can mandashcacunaca ñucamanca cantanami carca.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

HEBREOS 6:9

Cuyashca criccuna, cashna rimashpapish cancuna allita ruhuashpa, quishpirinaman pushac ñanta caticushcatami yachanchic.

1 PEDRO 4:12

Cuyashca criccuna, cric cashcata ricungapac rupachic shina llaquicuna japicpipish, “jaicapi mana japishca llaquicunami japin” nishpa, ama mancharichicchu.

2 PEDRO 3:1

Cuyashca criccuna, caihuanca ishcai cutinmi quillcashpa cachani. Ishcai quillcacunapitacmi alli yuyaihuan allita catichun nishpa, cunashpa rimani.

GÉNESIS 21:34

Abrahamca achca punzhacunatami filisteocunapac llactapica causarca.

LEVÍTICO 15:18

Shuc cari huarmihuan sueñucucpi, caripac yurac yacu cachariricpica, ishcaitami armarina can. Shina armarishpapish tutayangacamanmi mapa canga.