1 PEDRO 1:3 - Dios Rimashcata Quillcashcami

³ ¡Ñucanchic Apunchic Jesucristopac Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana cuyaimanta Jesucristota causachishpa, ñucanchictaca cutin huacharishca shinata ruhuarca.

Nuevo Testamento en Quichua Cañar 1996

³ ¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.

1 PEDRO 1:3 Referans Kwoze

1 PEDRO 1:23

Cancunaca mana huañuclla, mana chingariclla taitamantachu huacharishca canguichic, ashtahuanpish huiñai causaita cuc, mana chingaric Dios rimashcata uyashcamantami, cutin huacharishca shina canguichic.

1 JUAN 5:4

Diospac tucui huahuacunami cai pachapi tiyac millaicunataca mishan. Apunchic Jesusta crishpami, cai pachapi millaitaca mishanchic.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

2 CORINTIOS 1:3

Ñucanchic Apunchic Jesucristopac Diosca alli nishca cachun. Paica llaquic tucuita cushichic Diosmi.

1 JUAN 3:3

Maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchurin.

ROMANOS 12:12

Apunchic Jesusta shuyacushpaca, cushicushpa causaichic. Apunchic Jesusmanta llaquita apacushpaca, ama piñarichicchu. Diosta mañanataca ama saquichicchu.

1 JUAN 2:29

Jesucristo imatapish cashcata ruhuac cashcataca yachanguichicmi. Chashna yachashpaca, maijanpish cashcata ruhuacca Diospac huahua cashcatami yachanguichic.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

ÉXODO 34:6

Mandac Dios Moisespac ñaupata pasashpaca: —Mandac Diosmi cani. Mandac Diosmi cani. Ñucaca yallita llaquic, cuyac, mana utca piñaric, shinallatac cashcata ruhuacmi cani.

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

1 TIMOTEO 1:14

Ñucanchic Apunchic Jesucristohuan shuclla tucucpica, cuyaitapish, crina yuyaitapish, ñucata yallita cuyashcamantami Apunchic Jesucristoca curca.

EFESIOS 2:4

Shina cacpipish Diosca mai llaquic cashpami, ñucanchictaca yallita cuyarca.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

1 CORINTIOS 15:20

Ashtahuanpish Cristo huañushcacunapuramanta causarishpaca, (criccunapac causarina callari shinami tucurca.)

1 CORINTIOS 13:13

Caicunamanta nishpaca, crinapish, imata shuyana cashcata shuyanapish, cuyaita charinapish tiyashpa catingallami. Ashtahuanpish cai quimsacunamanta yallica cuyaimi.

1 JUAN 3:9

Maijanpish Diospac huahua tucushca cashpaca, Dios cushca mushuc causaita charishcamantaca mana juchata ruhuashpa causanchu.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.

HEBREOS 3:6

Ashtahuanpish Jesucristoca Diospac churi cashpami, Diospac huasita mandacun. Tucuri punzhacaman tucui shunguhuan cushicushpa shuyashpaca, ñucanchicmi chai huasica canchic.

1 TESALONICENSES 1:3

Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

ROMANOS 8:24

Chaita shuyacushpami quishpirishca canchic. Shina cacpipish, chai shuyacushcata ricushpaca, mana shuyanachu can. Ña ricushcataca, ¿pitac shuyangayari?

ROMANOS 8:11

Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

SAN JUAN 1:13

Mana runacunapac munaimanta, mana cai pachapi huacharishcamantachu Diospac huahuacuna tucun, ashtahuanpish Diospac munaimantami paipac huahuacuna tucun.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.

1 JUAN 5:1

Maijanpish Jesusta “Quishpichic Cristomi” nicca Diospac huahuami. Maijanpish Taitata cuyacca paipac huahuacunatapish cuyanmi.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyanamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

ROMANOS 5:10

Dios ñucanchic-huan piñashca cashpapish, paipac Churi huañushcamantami ñucanchicta chasquirca. Ña chashquishca cashpacarin Cristo causacushcamantami quishpichishca cashun.

ROMANOS 4:25

Apunchic Jesusca ñucanchic juchacunamantami huañurca. Diosca ñucanchictapish chasquingapacmi Jesustaca huañushcacunapuramanta causachirca.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

1 REYES 8:15

Shina shayacucpi paica: «Israelcunata Mandac Diosca alli nishca cachun. Ñuca taita Davidman pai ima nishcataca paipac maquihuan ruhuashpami pactachishca. Paica:

1 JUAN 4:7

Cuyashca criccuna, Dios cuyaita cushcamanta caishuc chaishuc-huan cuyanacushunchic. Maijanpish cuyacca Diospac huahuami, shinallatac Diostapish ricsinmi.

1 TESALONICENSES 4:13

Cuyashca criccuna, huañushcacuna causarinata mana criccuna shina ama llaquilla cachunmi, huañushcacuna ima tucuna cashcata yachachun munanchic.

GÁLATAS 6:16

Cai ñuca nishca shina causaccunamanpish, Dios tucui acllashcacunamanpish Dios llaquishpa, sumac causaita cushca cachun ninimi.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 PEDRO 3:5

Diospaclla causac ñaupa huarmicunaca Dios yuyailla causashpa, cusata cazushpami, chashna allichirishca shinata ricuchic carca.

1 PEDRO 3:15

Chaipac randica “Cristoca ñucanchic Mandacmi” nishpa, cancunapac shungupi alli nichic. Cancuna imata japina cashcata shuyacushcamanta maijan tapucpipish, huillangapac allichirishca caichic.

2 CRÓNICAS 31:8

Ezequiaspish, mandaccunapish chai grano montoncunata ricungapac rishpaca, Mandac Diosta allimari cangui nishpami, Dios acllashca israelcunatapish bendiciarcacuna.