1 PEDRO 1:17 - Dios Rimashcata Quillcashcami

¹⁷ Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

Nuevo Testamento en Quichua Cañar 1996

¹⁷ Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

1 PEDRO 1:17 Referans Kwoze

2 CRÓNICAS 19:7

Mandac Diosta manchashpa causanguichic. Imata ruhuangapacpish alli yuyarichic. Ñucanchicta Mandac Diosmanca ima mana allipish, shucllaman tucunapish, ima cushcacunata pacalla japinapish mana tiyanchu» nirca.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

HEBREOS 12:28

Mana cuyuchipac Dios mandacucta chasquishpaca, Diosta manchashpa, pai munashca shina tucui shunguhuan pagui nichic. Paica chaitami munan.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

GÁLATAS 2:6

Chai pushaccunaca alli nishca cashpapish, ima mushuc yachanacunataca mana yachachircacunachu. Chaimantami paicuna utcaman catic cashcapish ñucamanca ima mana canchu. Diosca mana ñahuita ricushpallachu chasquin

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

HEBREOS 4:1

Chaimanta samarinapi Dios yaicuchisha nicucpirac huacaichiringuichic. Pacta cancunapuramanta maijan mana yaicui pudishpa saquiringuichicman.

COLOSENSES 3:25

Maijanpish mana allita ruhuacca, pai mana allita ruhuashcamantaca mana allillatatacmi japinga. Diosca pimanpish mana tucushpami taripanga.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Apunchic Jesucristo causacushcataca yachanami canguichic. Paica pitapish “caica allimi, chaica mana allichu” mana ninchu.

EFESIOS 3:14

Chaimantami ñucanchic Apunchic Jesucristopac Diospac ñaupapica mañangapac cungurini.

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

1 PEDRO 3:15

Chaipac randica “Cristoca ñucanchic Mandacmi” nishpa, cancunapac shungupi alli nichic. Cancuna imata japina cashcata shuyacushcamanta maijan tapucpipish, huillangapac allichirishca caichic.

2 CORINTIOS 5:6

Chaimantami ñucanchicca chaipi shunguta churashpa causacunchic. Cai cuerpohuan causacushpaca, carupimi Apunchic Jesusmanta causacunchic.

2 CORINTIOS 1:2

Ñucanchic Diospish, Apunchic Jesucristopish cancunata mai cuyashpa, sumac causaita cushca cachun ninchicmi.

SOFONÍAS 3:9

Chai huatapimi Mandac Dios ñucata mañashpa, shuc yuyailla tucushpa, servichun gentecunapac shungutaca mushucyachisha.

PROVERBIOS 14:16

Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

DEUTERONOMIO 10:17

Mandac Diosca tucui dioscunapac Diosmi, mandaccunapacpish Mandacmi. Mandac Diosca manchana poderyucmi. Mana pitapish ñahuita ricushpa llaquichic Dioschu. Pimantapish mana imata japicchu.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

2 CORINTIOS 7:11

Cancuna Dios munashca shina llaquirishcamantami, ima tucushcata yuyarishpa ima shina cashcata entendishpa, allichirishpa, yuyaita japircanguichic. Piñarishpapish, manchana yuyaitami japircanguichic. Ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

SALMOS 89:26

Pai ñucata mañashpaca: “Canca ñuca taitami cangui. Ñuca Diosmi cangui. Ñuca miticuna quishpichic jatun rumimi cangui” ningami.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.