1 PEDRO 1:1 - Dios Rimashcata Quillcashcami

¹ Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

Nuevo Testamento en Quichua Cañar 1996

¹ Ñucaca Jesús acllashca huillac Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

1 PEDRO 1:1 Referans Kwoze

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

SALMOS 44:11

Ovejata shinami huañuchicpac maquipi churangui. Shuctac llactacunamanmi caita chaita cachangui.

HECHOS 8:4

Ashtahuanpish Jerusalenmanta miticushpa ric criccunaca maita rishpapish, quishpirinamanta alli huillaita huillashpami purirca.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

2 CORINTIOS 1:8

Cuyashca criccuna, Asia llactapi ñucanchic jatun llaquita apashcata yachachunmi munanchic. Mana apaipac llaquita charishpami, ña mana ashtahuan causashunchu nishpa yuyarcanchic.

HECHOS 18:2

Chai pueblopimi Ponto llactamanta Aquila shuti Israel runahuan tuparca. Chaica, Roma llactata jatun mandac Claudio tucui chaipi causac israelcuna chai llactamanta llucshichun nishcamantami, chai Aquilaca paipac huarmi Priscilandi Italia llactamanta llucshishpa, Corinto puebloman cunanlla shamushca carca. Pabloca paicunapacmanmi rirca.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

APOCALIPSIS 1:11

«Ñucami callari A shina, tucuri Z shina callarichicpish, tucurichicpish cani. Cai can ima ricushcataca shuc libropi quillcashpa, Asia llacta canchis pueblopi causac tandanacushca criccunaman cachai. Chaicunaca Efeso, Esmirna, Pérgamo, Tiatira, Sardis, Filadelfia, shinallatac Laodicea pueblocunami can» nirca.

2 TIMOTEO 1:15

Asia llactamanta caccuna tucui mashna ñucataca shitashpa rishcataca, canllatac yachanguimi. Paicunapurapica Figelopish, Hermogenespish carcami.

GÁLATAS 1:2

Tucui caipi cac criccunahuan tucushpami, Galacia llactapi causac tandanacushca criccunataca:

1 CORINTIOS 16:19

Asia llacta criccunapish saludancuna. Aquilapish, Priscilapish, paicunapac huasipi tandanacuc criccunapish Apunchic Jesuspac shutipi saludancunami.

HECHOS 19:10

Chashnami Pabloca chai Asia llactapica ishcai huatata causarca. Chaipi Apunchic Jesusmanta alli huillaita huillacpica, tucui israelcunapish, mana israelcunapish uyarcacunami.

HECHOS 18:23

Chai pueblopi asha punzhacunata cashpaca, Galacia llactata, Frigia llactata rishpami, chaipi criccunata cunashpa cushichirca.

HECHOS 6:9

Chaimantami, maijan “Servic cashcamanta cacharichishca” nishcacunapish, Cirene pueblomanta, Alejandría pueblomanta, Cilicia llactamanta, Asia llactamanta runacunapish Estebanhuan rimari callarircacuna.

SAN JUAN 7:35

Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

SAN MATEO 10:2

Chai chunga ishcai apostolcunaca: Pedro nishca Simón, paipac huauqui Andrés, Zebedeopac churicuna Jacobo, Juan,

SAN MATEO 4:18

Jesusca Galilea cucha patata puricushpami, ishcai huauquindi runacunata ricurca. Shucca Simón nishca Pedro, shinallatac Andresmi carca. Paicunaca challuata japiccuna cashpami, linchita yacupi shitacurca.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

DEUTERONOMIO 32:26

Ñucaca tucui israelcunataca shic-huashpa cachashami. Ñucaca ‘paicunataca pipish cai pachapica ama yuyaringachun’ yuyarcanimi.

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?