1 JUAN 5:14 - Dios Rimashcata Quillcashcami

¹⁴ Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.

Nuevo Testamento en Quichua Cañar 1996

¹⁴ Taita Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.

1 JUAN 5:14 Referans Kwoze

SAN JUAN 14:13

Ñucapac shutipi imatapish mañacpica, ñuca Taita jatunyachishca cachunmi cusha.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

SAN JUAN 15:7

Ñucahuan shuc shina cashpa, yachachishcacunatapish cazushpaca mañaichiclla. Tucui mañashcatami Taitaca cunga.

SAN MATEO 21:22

Tucui shunguhuan crishpa, Diosta mañashpaca japinguichicmi— nirca.

SALMOS 34:17

Cashcata ruhuaccuna caparishpa Mandac Diosta mañacpica, paica uyashpa tucui llaquimanta llucchircami.

SANTIAGO 4:3

Imata mañashpapish, mana allita ruhuashpa tucuchingapaclla mana alli munaihuan mañashcamantami, mana japinguichic.

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

EFESIOS 3:12

Chashna cacpimi: “Cristota crishpa paihuan shuclla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

SAN JUAN 16:24

Cunancamanca, ñuca shutipi imata mana mañashcanguichicchu. Cancunapac shungupi yallita cushicui tiyachun mañaichic, chasquinguichicmi.

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

PROVERBIOS 15:29

Mandac Diosca paita mana manchaccunamanta carupimi. Ashtahuanpish cashcata ruhuaccuna mañacpica uyanmi.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

SALMOS 69:33

Mandac Diosca huacchacuna mañashcata uyanmi. Pai acllashcacuna prezu cachunpish mana saquinchu.

SALMOS 31:22

Ñucaca manchaihuan upayashpami: «Cambac ñaupamantaca anchuchishca cani» nishpami yuyarcani. Ashtahuanpish caparishpa mañacpica, uyarcanguimi.

HEBREOS 10:35

Cancuna shuyacushcataca, amatac chingachinguichicchu. Chashna causashpami, sumac japinata japinguichic.

HEBREOS 3:14

Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

SAN JUAN 11:42

Ñuca mañashcata can uyac cashcataca yachanimi. Caipi ñucahuan cac gentecuna ñucata can cachashcata crichunmi, cashna nini— nirca.

JOB 34:28

Chashna ruhuacpimi huacchacunapish, llaquihuan caccunapish llaquirishpa Diospac ñaupaman uyaricta caparirca.

HEBREOS 3:6

Ashtahuanpish Jesucristoca Diospac churi cashpami, Diospac huasita mandacun. Tucuri punzhacaman tucui shunguhuan cushicushpa shuyashpaca, ñucanchicmi chai huasica canchic.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

SALMOS 145:19

Paita manchaccuna ima munashcataca pactachingami. Shinallatac caparishpa mañashcata uyashpami quishpichinga.

PROVERBIOS 10:24

Diosta mana manchac runa imatami manchan, chai manchaillatacmi paita japinga. Ashtahuanpish cashcata ruhuaccunaca imata pai munashcatami japinga.