1 JUAN 3:24 - Dios Rimashcata Quillcashcami

²⁴ Pai mandashcata pactachiccunaca paicunapish Dios-huan, Diospish paicunahuanmi shuclla causancuna. Shina cacpimi pai ñucanchic-huan cashcataca, pai cushca Espiritullatac yuyaita cucpi yachanchic.

Nuevo Testamento en Quichua Cañar 1996

²⁴ Pai mandashcata pactachishpa causaccunaca paicunapish Dioshuan, Diospish paicunahuanmi shuc shinalla causancuna. Shina cacpimi pai ñucanchichuan cashcataca, pai cushca Espiritullatac yuyaita cucpi yachanchic.

1 JUAN 3:24 Referans Kwoze

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

2 TIMOTEO 1:14

Ñucanchicpi causacuc Diospac Espíritu ayudacushcamantaca, Dios mingashca sumac yachanacunataca alli huacaichingui ninimi.

1 JUAN 2:6

Maijanpish Dios-huan shucllami cani nishpaca, Jesucristo causashca shinallatacmi causana can.

1 CORINTIOS 6:19

¿Manachu cancunapac cuerpoca Diospac Espíritu causana huasi cashcata yachanguichic? Chai Espiritutami Diosmanta chasquircanguichic. Chai espiritumi cancunapi causacun Cancunaca mana quiquinpacchu canguichic,

1 JUAN 4:7

Cuyashca criccuna, Dios cuyaita cushcamanta caishuc chaishuc-huan cuyanacushunchic. Maijanpish cuyacca Diospac huahuami, shinallatac Diostapish ricsinmi.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

SAN JUAN 10:38

Ñucaca ñuca Taita mandashcallatami ruhuani. Ñucata mana crishpapish, ñuca ruhuashcacunata crichicyari. Chashna crishpami, ñuca Taitaca ñucahuan, ñucaca paihuan cashcata alli yachanguichic— nirca.

SAN JUAN 14:17

Paica cashcata nic Espiritumi. Paitaca cai pacha runacunaca mana ricunchu, mana ricsinchu. Chaimantami mana chasqui pudin. Shina cacpipish, cancunaca ricsinguichicmi.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 JUAN 2:3

Diospac mandashcacunata pactachishpaca, paita ricsishcatami yachanchic.

1 JUAN 2:5

Shina cacpipish Dios rimashca shimita maijanpish cazucca, Dios cuyac shinallatacmi mai cuyac cashcata ricuchin. Chashna cashpami paihuan shuclla cashcata yachanchic.

1 JUAN 2:24

Shina cashcamanta cancuna callarimanta pacha uyashcataca shungupi huacaichinguichic. Callarimanta pacha uyashcata shungupi huacaichishpaca, Diospac Churihuanpish, Dios-huanpish shucllami canguichic.