1 JUAN 3:21 - Dios Rimashcata Quillcashcami

²¹ Cuyashca huauquicuna, shina ñucanchic shungu imata mana juchanchicpica, Diospac ñaupapipish allillatacmi cashun.

Nuevo Testamento en Quichua Cañar 1996

²¹ C'uyashca criccuna, shina ñucanchic shungu imata mana juchanchicpica, Diospac ñaupapipish allillatacmi cashun.

1 JUAN 3:21 Referans Kwoze

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

HEBREOS 4:16

Chaimanta cuyac Dios ñucanchicta llaquichun, paipac jatun cuyaimanta ayudachun, paipacman tucui shunguhuan cuchuyashpa mañashunchic.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

1 JUAN 5:14

Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

1 JUAN 4:17

Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios cuyashca shina cuyanacushpaca, Dios taripai punzhapica mana manchashpa ricurishun.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

JOB 22:26

Tucuita ruhuac Dios-huanmi cushicungui. Cambac ñahuihuanmi Diosta huichailla ricungui.

1 CORINTIOS 4:4

Ñuca yuyaipipish ima mana allita ruhuashcata mana yuyanichu. Shina cashpapish, “jucha illacmi cani” mana ninichu. Ñucataca Apunchic Jesucristomi taripanga.

JOB 27:6

Ñucaca cashcata ruhuanataca charirac shina manatac saquishachu. Ñuca causashcacamanca ñuca shungupica manatac cungarishachu.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

ROMANOS 14:22

Can imata crishcataca canllatacmi Diospac ñaupapi charina cangui. Maijanpish paipac yuyaipi mana juchanchishca cashcamanta alli yuyacmanca, ¡mai cushicuimi!

EFESIOS 3:12

Chashna cacpimi: “Cristota crishpa paihuan shuclla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

1 JUAN 2:7

Cuyashca huauquicuna, mana mushuc mandashcatachu quillcani, ashtahuanpish ñaupaman cancuna chasquishca mandashcallatatacmi quillcani. Cai mandashcatami ña uyashpa chasquircanguichic.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

1 JUAN 3:20

Quiquinllatac shungupi “mana allichu cani” yuyacucpipish, Diosca ñucanchic shungutapish yalli yachac cashcamantaca tucuitami yachan.