1 JUAN 2:5 - Dios Rimashcata Quillcashcami

⁵ Shina cacpipish Dios rimashca shimita maijanpish cazucca, Dios cuyac shinallatacmi mai cuyac cashcata ricuchin. Chashna cashpami paihuan shuclla cashcata yachanchic.

Nuevo Testamento en Quichua Cañar 1996

⁵ Shina cacpipish Taita Dios rimashca shimita maijanpish cazucca, Dios c'uyac shinallatacmi mai c'uyac cashcata ricuchin. Chashna cashpami paihuan shuc shinalla cashcata yachanchic.

1 JUAN 2:5 Referans Kwoze

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

1 JUAN 3:24

Pai mandashcata pactachiccunaca paicunapish Dios-huan, Diospish paicunahuanmi shuclla causancuna. Shina cacpimi pai ñucanchic-huan cashcataca, pai cushca Espiritullatac yuyaita cucpi yachanchic.

SALMOS 119:2

Ima shina causanata yachachishcata pactachingapac tucui shunguhuan mashcaccunaca maimi cushicun.

APOCALIPSIS 14:12

Chaimantami Diospaclla caccunaca Dios mandashcacunata cazushpa, mana shaicushpa Jesusta alli caticcuna cashcata ricuchingacuna.

1 JUAN 5:2

Diosta cuyashpa paipac mandashcacunatapish pactachishpaca, paipac huahuacunatapish cuyashcatami yachanchic.

SAN JUAN 15:5

Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

EZEQUIEL 36:27

Cancunaman ñuca Espirituta cucpimi, ñuca mandashcacunatapish, pactachinacunatapish pactachishpa causanguichic.

1 JUAN 4:18

Manchaica llaquichina cashcamantami shamun. Chaimanta maijanpish manchacca Diospac cuyaitaca manarac tucui charinchu. Maijanpish Diospac cuyaita charicca mana manchanchu, ashtahuanpish Diospac cuyaimi chai manchaitaca anchuchin.

SALMOS 119:146

Cantami caparishpa mañani. Chaimanta quishpichiyari. Ima shina causanata can yachachishcata pactachishami.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

APOCALIPSIS 12:17

Chashna tucucpimi dragonca chai huarmihuan yallita piñarishpa, huarmipac huahua huahuacunahuan macanacungapac rirca. Chaicunaca Dios mandashcacunata pactachiccuna, shinallatac Jesusmanta huillashcata uyashpa alli caticcunami can. Chai dragonca mama cucha yacu patapimi shayarirca.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

SANTIAGO 2:22

Chashnami crishcaca imatapish allita ruhuashcahuan pacta can. Pai crishpa allita ruhuacpimi, ashtahuan alli cashcata ricunchic.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

SAN JUAN 6:56

Maijanpish ñuca aichata micucca, ñuca yahuarta ubiacca, ñucahuanmi causan. Ñucapish paihuanmi causani.

ECLESIASTÉS 8:5

Mandashcata cazuc runaca mana ima tucungachu. Yuyaisapa runapac shunguca Dios ima horas, ima shina ruhuanata yachanmi.

SALMOS 106:3

Maijanpish cashcata ruhuashpa, allita ruhuashpa causacca yallita cushicuchun.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

SALMOS 119:4

Dioslla, canmi tucui mandashcacunata pactachichun mandarcangui.

PROVERBIOS 28:7

Mandashcata pactachicca alli yuyaiyuc churimi. Ashtahuanpish micushpalla causac runahuan tandanacuc churica taitapac pingaimi.

SALMOS 105:45

Chaica quillcashpa mandashcacunatapish, pai rimashcacunatapish pactachichunmi chashnaca curca. ¡Mandac Diosta alabaichicyari!

1 JUAN 4:17

Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios cuyashca shina cuyanacushpaca, Dios taripai punzhapica mana manchashpa ricurishun.

2 JUAN 1:6

Cuyanacushpa causanaca, Dios mandashcacunata pactachinami. Chashna cuyanacushpa causanami nishpa mandashcataca, callarimanta pachami cancunaca ña uyashcanguichic.