1 JUAN 2:15 - Dios Rimashcata Quillcashcami

¹⁵ Cai pachatapish, cai pachapi ima tiyashcacunatapish ama cuyaichicchu. Maijanpish cai pachapaclla caccunata cuyacca, Diostaca mana cuyanchu.

Nuevo Testamento en Quichua Cañar 1996

¹⁵ Cai pachatapish, cai pachapi ima tiyashcacunatapish ama c'uyaichicchu. Maijanpish cai pachapaclla caccunata c'uyacca, Taita Diostaca mana c'uyanchu.

1 JUAN 2:15 Referans Kwoze

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

SAN LUCAS 16:13

Maijan servicpish ishcai amotaca mana servi pudinchu. Shuc amotaca piñangami, caishuc amotaca cuyangami. Mana cashpaca, shuc amotaca cazungami, cutin caishuc amotaca mana cazungachu. Chashnallatacmi maijanpish charicyana yuyailla cashpaca, Diostaca mana servi pudin» nirca.

SAN JUAN 15:19

Cancuna cai pachapac causacpica, cai pachapac causaccunaca cuyanmanmi. Ashtahuanpish cancunata paicunapuramanta ñucaca acllashcamantami cai pachapac causaccunaca piñancuna.

1 JUAN 3:17

Shina cashpapish cai pachapi imallata charishpapish, shuc huauqui ima illaclla cashcata ricushpa mana llaquicca, ¿ima shinatac Diospac cuyaitaca paipac shungupica charingayari?

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

GÁLATAS 1:10

Chashna nishpaca gentecunalla alli nichunca mana munanichu, ashtahuanpish Dios alli nishca canatami munani. Gentecunalla ñucata alli nichun nishpaca, ña mana Cristopacta ruhuacchu caiman.

1 JUAN 4:5

Paicunaca cai pachapaclla cashpami cai pachallamanta rimancuna. Chaitaca cai pachapaclla causaccunaca uyancunami.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

1 JUAN 5:10

Maijanpish Diospac Churita cricca, Diosllatac huillashcatami paipac shungupi charin. Maijanpish Diosta mana cricca, Diosllatac paipac Churimanta huillashcata mana crishcamantami, Diosta llullapi churan.

SAN MATEO 4:8

Diabloca Jesusta jatun urcuman pushashpa, tucui llactacunapi ima tiyashca sumaccunata ricuchishpaca:

SANTIAGO 1:27

Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.