1 JUAN 1:9 - Dios Rimashcata Quillcashcami

⁹ Shina cashpapish ñucanchic juchacunata Diosman huillacpica, paica imatapish cashcata ruhuac cashcamanta, imatapish pactachic cashcamantaca perdonangami, shinallatac tucui mana allicunatapish pichangami.

Nuevo Testamento en Quichua Cañar 1996

⁹ Shina cashpapish ñucanchic juchacunata Taita Diosman huillacpica, paica imatapish cashcata ruhuac cashcamanta, shinallatac imatapish pactachic cashcamantaca perdonangami, shinallatac tucui mana allicunatapish p'ichangami.

1 JUAN 1:9 Referans Kwoze

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

JEREMÍAS 33:8

Ñucata llaquichishpa, millaita ruhuashpa juchallishcatapish tucuimi pichasha. Ñucata mana cazushpa, juchacunata ruhuashcatapish, jatun tucushcatapish perdonashami.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

HEBREOS 10:23

Dios pactachina cashcata crishpa, mana caita chaita yuyashpa shuyashunchiclla. Chai shuyacushcamantami shuccunaman huillacunchic.

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Cai huillashcaca chashnatac cashcamantami tucui mashna crina canchic. Juchayuccunamanta nishpaca, ñucami punta yalli juchayucca cani.

NEHEMÍAS 1:6

Cunanca, canta servic israelcunamanta canta servic ñuca cambac ñaupapi tutapish, punzhapish mañashcata cambac ringrihuan uyaiyari. Cambac ñahuihuanpish ricuiyari. Canta servic ñucanchic israelcuna juchata ruhuashpa, canta piñachishcatami huillani. Ari, ñucapish, ñuca taitapac huasi ucupurapish juchata ruhuashcanchicmi.

EZEQUIEL 37:23

Paicunaca ruhuashcalla dioscunata adorashpapish, millana juchacunata ruhuashpapish, tucuilaya juchacunata ruhuashpapish ña mana ashtahuan mapayangachu. Ashtahuanpish ñucata mana cazushpa, juchallishcataca pichashami. Tucuita pichashpami ñuca acllashcacunata ruhuasha. Ñucaca paicunapac Diosmi casha.

1 CORINTIOS 1:9

Pai nishcataca pactachic Diosmi paipac Churi ñucanchic Apunchic Jesucristohuan shuclla tucushpa causachun cayarca.

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

HECHOS 19:18

Tauca criccunami paicuna manarac crishpa, mana allita ruhuashcacunata llaquirishpa, tucuipac ñaupapi huillarca.

MARCOS 1:5

Chashna huillacucpimi, tucui Jerusalén pueblomantapish, Judea llactamantapish pai huillashcata uyangapac shamurca. Juanca paicuna llaquirishpa, juchacunata huillacpimi, Jordán yacupi bautizarca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

SALMOS 19:12

¿Pitac paillatac pandarishcataca yachai pudinyari? ¡Mandac Dioslla, ñuca mana yuyarishca juchacunataca perdonaiyari!

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

LAMENTACIONES 3:23

Chai cuyaica cada tutamantami mushucyan. ¡Canca tucuita pactachicmi cangui!

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

1 REYES 8:47

Paicunaca prezu apashca llactapi cashpami, canta mana cazushcata yuyaringacuna. Shina yuyarishpa, paicuna mañashpaca: “Juchatami ruhuashcanchic. Millaita ruhuashpami pandarishcanchic” ningacunami.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

HEBREOS 11:11

Crishcamantami Abrahamca paipac huarmi Sara mana huahuata chari pudic, yuyac cacpipish, huahuata charirca. Dios imatapish pactachic cashcata crishcamantami, Abrahamman shuc cari huahuata Diosca curca.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

EFESIOS 5:26

Diospaclla tucushpa causachunmi Cristoca tandanacushca criccunataca yacuhuanpish, pai rimashca shimihuanpish chuyayachirca.

ROMANOS 3:26

Cunanmi Diosca ima shina chasquic cashcata ricuchin. Jesusta criccunata chasquishpami, pai cashcata ruhuac cashcata ricuchin.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

1 REYES 8:30

Canta servic ñucapish, can acllashca israelcunapish cai huasipi mañashcataca uyanguiyari. Can causana jahua pachamanta uyashpa juchacunatapish perdonanguiyari.

JEREMÍAS 3:13

Mandac Dios ñucatami mana cazushcangui. Chai mana allita ruhuashcata yuyarishpa llaquiriyari. Jatun yura ucucunapimi mana ricsishcacunahuan huainayarcangui. Ñuca cayacpica, manatac uyarcanguichu. Chaitaca Mandac Dios ñucami nini.

SAN JUAN 17:25

Cashcata ruhuac Taitalla, cai pachapac causaccuna canta mana ricsicpipish, ñucaca ricsinimi. Can ñucaman cushcacunapish, can ñucata cachashcata yachanmi.

SAN LUCAS 22:57

Chashna nicpimi Pedroca: —Marmi, mana ricsinichu— nirca.