1 JUAN 1:7 - Dios Rimashcata Quillcashcami

⁷ Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

Nuevo Testamento en Quichua Cañar 1996

⁷ Ashtahuanpish Taita Dios achic luzpi cac shinallatac ñucanchicpish achicpi causacushpaca, shuc shinallami caishuc chaishuchuan canchic, shinallatac paipac Churi Jesucristopac yahuarca tucui juchacunatami p'ichan.

1 JUAN 1:7 Referans Kwoze

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

1 JUAN 1:5

Ñucanchicman Jesucristo yachachishcatami cancunamanca huillanchic. Diosca achicyachic luzmi. Paipica ima amsa mana tiyanchu.

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata Diosman cushpa, rupachishca shinami carca.

SAN JUAN 12:35

Chaimantami Jesusca: —Asha punzhacamanllami Achicyachicca cancunahuan canga. Achicyachic cancunahuan cashcacamanca, achicpi purichic. Amsapi puricca maiman ricushcatapish mana yachanchu.

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

1 JUAN 1:3

Ima shinami Dios-huan, paipac Churi Jesucristohuan shuclla canchic, chai shinallatac ñucanchic-huan shuclla cachunmi uyashcatapish, ricushcatapish cancunaman huillanchic.

SALMOS 89:15

¡Canta caparishpa cantaccunaca yallita cushicuchun! Mandac Dioslla, cambac ñahuihuan achicyachishcapimi puringacuna.

SALMOS 56:13

Ñuca causaitaca huañuimantami quishpichircangui. Cambac ñaupapi purichunmi ñuca urmagricucpipish charirarcangui. Cambac ñaupapi achic punzhata ricushpa causachunmi chashna quishpichircangui.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

ISAÍAS 2:5

¡Jacobopac huasi ucupuracuna shamuichic! ¡Mandac Diospac luzpi purishunchic!

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

SALMOS 97:11

Cashcata ruhuaccunapacca luzca tarpushca shinami tiyacun. Shungupi millai yuyaita mana chariccunapacca cushicunaca tarpushca shinami tiyacun.

1 JUAN 5:8

Diospac Espiritupish, yacupish, shinallatac yahuarpish chai quimsacunami shuc yuyailla cancuna.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

3 JUAN 1:4

Ñuca huahuacuna cashcata nic huillashcata uyashpa, alli caticucta yachashpami, tucuimanta yalli cushicuni.

SALMOS 104:2

Canca churanata churarishca shinami luz-huan jahuata pillurishca cangui. Canmi jahua pachataca lienzota chutac shina tendishcangui.

2 JUAN 1:4

Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yallita cushicuni.

AMÓS 3:3

Shuc runa manarac shuc yuyailla tucushpaca, ¿shuc runaca, shuc runahuan ishcai tucushpa puringachu?

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

ISAÍAS 6:7

Chashna ñuca shimipi tupachishpaca: —Riqui, cambac shimica cai ninapi tuparishcami. Cunanca cambac juchata perdonashpa anchuchishcami— nirca.

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

SAN JUAN 5:4

Chaica, shuc angelmi jahua pachamanta cuchaman shamushpa, maijan cutinlla yacuta cuyuchic carca. Maijanpish utca yacuman yaicushpami ima ungüimantapish alliyac carca.