1 CRÓNICAS 22:2 - Dios Rimashcata Quillcashcami

² Chai quipami Davidca caru llactamanta shamushpa, Israelpi causacuccunata tandanacuchun mandarca. Chashna tandachishpami maijantaca Mandac Diospac huasita shayachingapac rumita allichichun churarca.

1 CRÓNICAS 22:2 Referans Kwoze

2 CRÓNICAS 2:17

Salomonca shuc llactamanta shamushpa, Israelpi causaccunatami tucui yuparca. Caitaca paipac taita David yupashca quipami chashna yuparca. Pai yupacpica, patsac pichca chunga quimsa huaranga sucta patsac runacunami cashca carca.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

1 CRÓNICAS 14:1

Tiro pueblota jatun mandac Hirammi David paipac huasita shayachichun huillaccunata, huasita ruhuaccunata, carpinterocunata, cedro caspicunata cushpa cacharca.

2 REYES 22:6

Shinallatac carpinterocunaman, ashtahuan imata ruhuaccunaman, huasita ruhuaccunaman cunga. Shinallatac caspicunata, labrashca rumicunatapish randichuncuna.

2 REYES 12:12

Huasita ruhuaccunamanpish, shinallatac rumita allichiccunamanpishmi cuc carca. Chai cullquillahuantacmi Diospac huasi chictarishcacunata allichingapac caspicunata, labrashca rumicunata randirca. Diospac huasita tucui allichingapac minishtishcacunatami curcacuna.

1 REYES 6:7

Diospac huasita shayachingapacca allichishca rumicunallatacmi apamurca. Chaimantami huasita ruhuacucpica, tacana fierrota, hachata, ima shuc fierrocunapish chilin nishpaca mana uyarirca.

2 SAMUEL 5:11

Tiro pueblota jatun mandac Hirampish, rimaccunata cedro caspicunahuan, shinallatac carpinterocunatapish, rumita labraccunatapish Davidpacman cacharcami. Paicunami Davidpac huasitaca ruhuarca.

1 CRÓNICAS 29:1

Chai quipami Davidca tucui tandanacushcacunataca: «Ñuca churi Salomonllatami Diosca acllashca. Paica chairac huambrarac, yuyaitapish manarac alli charinchu, ashtahuanpish chai huasita shayachinaca sinchimi. Chai huasica mana runamanchu, ashtahuanpish Diosmanmi.

2 CRÓNICAS 2:16

Ñucanchicca can mashna mañashca caspicunata Líbano urcupi pitigrishunllami. Chai quipaca balsata ruhuashpami, chai caspicunataca mama cuchata Jope pueblocaman apamushun. Chai pueblomantaca canllatac Jerusalenman ashtanguillami» nishpami quillcashpa cacharca.