1 CORINTIOS 9:21 - Dios Rimashcata Quillcashcami

²¹ Moisés mandashcacunata mana pactachiccunahuan cashpaca, paicuna Cristopacman shamuchunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

Nuevo Testamento en Quichua Cañar 1996

²¹ Shinallatac Moisés mandashcacunata mana pactachiccunahuan cashpaca, paicuna quishpirichunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

1 CORINTIOS 9:21 Referans Kwoze

ROMANOS 2:12

Moisés mandashcacunata mana yachashpa juchalliccunaca, chai mandashcacunata mana yachashpami huañunga. Ashtahuanpish mandashcacunata yachashca jahua juchalliccunaca, mandashcapi nishca shinami taripashca canga.

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?

ROMANOS 2:14

Mana israelcunaca Moisés mandashcacunata mana yachashpapish, paicunapac yuyaipi imami, alli, imami mana alli cashcata yachashcamantami mandashcacunata pactachincuna.

ROMANOS 8:4

Chaica, cashcata nic mandashcacunata pactachichunmi, chashnaca ruhuarca. Ñucanchicca mana jucha munashca shinachu causacunchic, ashtahuanpish Diospac Espíritu yuyaita cushca shinami causacunchic.

ROMANOS 7:25

Diosllami Apunchic Jesucristomanta chai huañuimanta cacharichinga. Chaimantami paitaca pagui nini. Ñuca yuyaihuanca Dios mandashcacunatami pactachinata munani. Cutin ñuca cuerpopi tiyac munaihuanca, jucha mandashcatami ruhuacuni.

ROMANOS 7:22

Ñuca shungupica Diospac mandashcacunahuanmi yallita cushicuni.

HECHOS 21:25

Mana Israel criccunamanca, ñami: “Moisés mandashcacunamantaca caicunatami pactachina can: Ruhuashcalla dioscunaman cushca yahuartapish, sipishpa huañuchishca aichatapish ama micunguichicchu. Ama huainayanguichicchu” nishpa, quillcarcanchic— nirca.

HECHOS 16:4

Chashna rishpami, apostolcunapish, pushac yuyaccunapish Jerusalenpi yuyarinacushca imalla ruhuana cashcata cazuchun, tucui pueblocunapi huillashpa purirca.

SALMOS 119:32

Can ñuca shungupi cushicuita cushcamantami can mandashcacunataca utca pactachisha.

HEBREOS 8:10

Quipa punzhacunapi israelcunahuan ari ninacushpaca, ñuca mandashcacunataca paicunapac yuyaipimi churasha. Paicunapac shungupimi, quillcashca shina churasha. Ñucaca paicunapac Diosmi casha, paicunaca ñuca huahuacunami canga.

HECHOS 15:28

Diospac Espiritumanpish, ñucanchicmanpish alli cacpimi, cancunata mana ashtahuan piñachishpa, cai ruhuanallata ruhuachun ninchic:

GÁLATAS 6:2

Caishuc chaishuc llaquicunata apanata ayudanacushpami, Cristo mandashcataca pactachinguichic.