1 CORINTIOS 9:16 - Dios Rimashcata Quillcashcami

¹⁶ Alli huillaita huillashpaca, mana jatun tucunachu cani, ashtahuanpish chaitaca huillanallatacmi cani. Mana huillashpaca, ¡aij, imachari tucusha!

Nuevo Testamento en Quichua Cañar 1996

¹⁶ Quishpirinamanta alli huillaita chashna huillashpaca, imamanta mana jatun tucunachu cani, ashtahuanpish chaitaca huillanallatacmi cani. Cai huillanata mana huillashpaca, ¡aij, imachari tucusha!

1 CORINTIOS 9:16 Referans Kwoze

ROMANOS 1:14

Ñucaca griegocunamanpish, mana griegocunamanpish, yachaccunamanpish, mana yachaccunamanpish huillanami cani.

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

JEREMÍAS 20:9

Chaimantami ñucaca: «Mandac Diosta mana ashtahuan yuyarishachu, paipac shutitapish mana ashtahuan huillashachu» nishpa yuyarcani. Shina cacpipish, cambac rimashcaca ñuca shungupica nina shina rupachishpami tullucaman chayan. Chaimantami cambac rimashcata ñuca shungullapi charicusha nicushpapish mana pudini.

SAN LUCAS 9:62

Chashna nicpimi Jesusca: —Maijanpish yapucushpa, huashata chapacca, mana Dios mandacucman yaicungachu— nirca.

HECHOS 4:20

¡Ñucanchicca, ñucanchic ricushcata, uyashcata huillanataca manatac saquishunchu!— nirca.

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?

ROMANOS 15:17

Jesucristota crishcamanta Diosta servishpaca, yallitami cushicuni.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.

ROMANOS 4:2

Dios Abrahamta pai imata ruhuashcamanta chasquishca cacpica, jatun tucunmanmi carca. Shina cacpipish, mana Diospac ñaupapi jatun tucunmanchu carca.

AMÓS 7:15

Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

JEREMÍAS 20:7

Mandac Dioslla, ñucataca umashcanguimi. Ñucaca can umashcami causacuni. Ñucata yalli sinchi cashpami, ñucata mishangui. Tucuimi punzhanta burlashpa asincuna.

JEREMÍAS 1:17

Canca alli chumbillirishpa, sinchita shayarishpa, ñuca imata mandashcata paicunaman huillangui. Paicunapac ñaupapi shayarinataca ama manchanguichu. Pacta canllatac paicuna manchachichun saquinguiman.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

1 CORINTIOS 4:15

Cancunaca Cristomanta chunga huaranga yachachiccunata charishpapish, mana tauca taitacunatachu charinguichic. Alli huillaita ñuca huillacpi, cancuna Jesucristohuan shuc shinalla tucushcamantaca, ñucami cancunapac taita shina cani.

1 CORINTIOS 9:12

Shuccuna cancunamanta imallatapish chasquishca cacpica, ¿manachu ñucanchiccarin imallatapish japina canchic? Shina cacpipish, Cristomanta alli huillai ama jarcarichunmi, imatapish mana chasquishpa, llaquita apashpa huillacunchiclla.

1 CORINTIOS 9:14

Chashnallatacmi Apunchic Jesusca maijanpish alli huillaita huillaccunaca, chai huillashcallamanta micuchun nishpa mandashca.

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

SAN MATEO 25:16

Chai pichca talento cullquita japicca chai cullquihuanca randishpa catushpami, pichca talento cullquihuan mirachirca.