1 CORINTIOS 8:1 - Dios Rimashcata Quillcashcami

¹ Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuimi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish cuyanacushpa causashpami, tandanacushca criccunaca sinchiyanga.

Nuevo Testamento en Quichua Cañar 1996

¹ Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuillatacmi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish c'uyanacushpa causashpami, tandanacushca criccunaca sinchiyanga.

1 CORINTIOS 8:1 Referans Kwoze

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

ROMANOS 14:3

Chaimanta tucuita micucca, mana tucuita micucta piñanachu, mana tucuita micucpish mana tucuita micucta piñanachu. Chaica, Diosca tucuitami chasquishca.

ISAÍAS 5:21

¡Aij, paicunapac yuyaipi “Alli yachaccunami canchic, alli yuyaiyucmi purinchic” niccunalla!

APOCALIPSIS 2:14

Shina cacpipish asha mana allicunata ruhuacushcatami cantaca ricuni. Chaipica Balaam yachachishcacunata catishpa mana saquinata munaccunatami charingui. Paimi israelcunataca chai ruhuashcalla dioscunaman cushca micunata micuchunlla, huacllirichunlla nishpa, yachachichun Balactaca yachachishca carca.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

1 CORINTIOS 8:2

Maijanpish “ña yachanimi” nishpapish, chai yachana cashca shinataca manarac yachanchu.

ROMANOS 15:14

Cuyashca criccuna, cancuna yallita cuyac cashcatapish, alli yachac cashcatapish, caishuc chaishucta cunac cashcatapish yachani.

EFESIOS 4:16

Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish cuyanacushpa, caishuc chaishuc allita ruhuacpica, tandanacuica sinchiyashpami catinga.

1 CORINTIOS 15:34

Cancunapuramanta maijanca manarac Diosta ricsinchu. Chaimanta alli yuyaiman causaichic, ama juchata ruhuaichicchu. Caicuna pingachunmi chashnaca nini.

HECHOS 15:29

Ruhuashcalla dioscunaman cushca ofrendatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Caicunata cazushpaca, allitami ruhuanguichic. Allilla cashca cachun» nishpami quillcarca.

ISAÍAS 47:10

Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

1 CORINTIOS 10:28

Shina cacpipish maijan: «Caica animalta huañuchishpa, ruhuashcalla diosman cushcami» nicpica, ama micuichicchu. Chai huillac runamantapish, yuyaipi mana cushilla cashcamantapishmi mana micuna cangui.

HECHOS 21:25

Mana Israel criccunamanca, ñami: “Moisés mandashcacunamantaca caicunatami pactachina can: Ruhuashcalla dioscunaman cushca yahuartapish, sipishpa huañuchishca aichatapish ama micunguichicchu. Ama huainayanguichicchu” nishpa, quillcarcanchic— nirca.

HECHOS 15:10

Cunanca, ¿ima nishpatac ñucanchicpish, ñaupa taitacunapish maita mana pactachi pudishcata, pactachichun nishpa, Diosta piñachicunguichic?

APOCALIPSIS 2:20

Shina cacpipish shuc mana allitami canpica ricuni. Jezabel huarmi yachachichunmi saquingui. Paica ‘Diosmantami yachachicuni’ nishpami paipac yachachishcacunahuanca ruhuashcalla dioscunaman cushca micunacunata micuchun, shinallatac huacllirichun nishpa ñucapacta ruhuaccunataca pandachicun.

COLOSENSES 2:18

«Diosta alli cazuccunami canchic» nishpa nic tucuccuna, «angelcunata alli niccunami canchic» niccuna, shinallatac «muscuipi imatapish ricuccunami canchic» niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

1 CORINTIOS 4:18

Maijancunaca: “Pabloca mana ricungapac shamungachu” yuyashpami, jatun tucushpa puricunguichic.

1 CORINTIOS 4:10

Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

1 CORINTIOS 1:5

Cristomantami cancunaca yallita yachaccunapish, allita rimaccunapish canguichic.

ROMANOS 14:22

Can imata crishcataca canllatacmi Diospac ñaupapi charina cangui. Maijanpish paipac yuyaipi mana juchanchishca cashcamanta alli yuyacmanca, ¡mai cushicuimi!

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

ROMANOS 14:10

Shina cacpica, ¿ima nishpatac shuctac cricta juchanchingui? ¿Ima nishpatac caishuc cricta mana valichingui? Tucuimi Diospac ñaupapi taripashca cangapac ricurishun. Paimi allitapish, mana allitapish ninga.

ROMANOS 12:16

Cancunapurapica shuc shinalla caichic. Ama jatun tucuichicchu, ashtahuanpish yangalla gentecunahuan tandanacuichic. Cancunapurapica ama yachac tucuichicchu.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

ROMANOS 14:19

Chaimanta shuctac criccunahuan cushilla causashpa, Jesusta criccunata sinchiyachishunchic.

1 CORINTIOS 4:6

Cuyashca criccuna, Apolostapish ñucatapish ricushpa yachacuichic. Cancunapac allipacmi chashna rimani. Chashna yachacushpami, quillcashcapi nishcallata ruhuanguichic ninguichic. Shinallatac paimi alli, caishucca mana allichu nishpa, mana rimanguichic.

1 CORINTIOS 10:15

Yachaccunaman shinami rimani. Ñuca nishcataca cancunallatac yuyarichic.