1 CORINTIOS 7:21 - Dios Rimashcata Quillcashcami

²¹ Can servic cashpapish, canta Dios acllacpica, ama llaquiringuichu. Ima punzha servinata saquinalla cacpica saquinguillami.

Nuevo Testamento en Quichua Cañar 1996

²¹ Amoyuc cashca cashpapish, canta Dios acllacpica, ama llaquiringuichu. Shina cashpapish ima punzha amopacmanta llucshinalla cacpica, llucshinguillami.

1 CORINTIOS 7:21 Referans Kwoze

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

SAN LUCAS 12:29

Chaimanta ama llaquirishpa: “¿Imatatac micushun, imatatac ubiashun?” nishpa puricuichicchu.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

FILIPENSES 4:11

Chashnaca cancuna ñucaman imallata cuchun nishpaca mana ninichu, ñucaca imalla tiyashcallahuan cushi causanatami yachacushcani.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

1 CORINTIOS 7:20

Dios cayacpi ima shinami carcanguichic, chai shinallatac caichiclla.

1 CORINTIOS 7:22

Maijan servic cashpapish, Apunchic Jesusta crishpaca, ña mana servicchu can, ashtahuanpish cunanca Apunchic Jesusta servicmi. Maijan mana servic cashpapish, cunanca Apunchic Jesusta servicmi.