1 CORINTIOS 6:1 - Dios Rimashcata Quillcashcami

¹ Cancunapurapi maijan piñanacucpica, Diospaclla cac criccuna allichichun ninapac randica, ¿ima nishpatac mana cric juezcunapacman allichichun nishpa ringuichicyari?

Nuevo Testamento en Quichua Cañar 1996

¹ Cancunapurapi maijan p'iñanacucpica, Diospaclla cac criccuna allichichun ninapac randica, ¿ima nishpatac mana cric juezcunapacman allichichun nishpa ringuichicyari?

1 CORINTIOS 6:1 Referans Kwoze

HECHOS 19:38

Cai runacuna Demetriotapish, paita ayudaccunatapish piñachishca cacpica, mandaccunapacman, juezcunapacman richun. Chaipi ñahui ñahui juchanchichun.

1 CORINTIOS 14:33

Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

1 CORINTIOS 16:1

Criccunata ayudangapac ofrendata tandachishpaca, Galacia llacta criccunata yachachishca shina tandanguichic.

1 CORINTIOS 16:15

Cuyashca criccuna, Acaya llactapica Estéfanas paipac familiandi punta cric tucushcataca cancunallatac yachanguichicmi. Paicunami criccunata tucui shunguhuan ayudacuncuna.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

1 CORINTIOS 5:12

Mana criccunataca ñucaca mana juchanchinachu cani. Ashtahuanpish criccunapurapi caccunataca cancunami taripana canguichic

1 CORINTIOS 6:5

Criccunapurapi imapish piñanacuicuna tiyacta ricushpa allichichunca, ¿manachu cancunapurapi maijan shucllapish tiyan? Cancuna pingaita charichunmi caitaca nini.