1 CORINTIOS 5:6 - Dios Rimashcata Quillcashcami

⁶ Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

Nuevo Testamento en Quichua Cañar 1996

⁶ Cancunaca chai shina mana allicuna tiyashca jahuaca, mana jatun tucunachu canguichic. “Ashalla levadura tucui chaputa punguillichic” nishcataca, cancunallatac yachanguichicmi.

1 CORINTIOS 5:6 Referans Kwoze

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.

GÁLATAS 5:9

Ashalla levadurami tucui chaputa punguillichin.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

SAN MATEO 13:33

Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.

2 TIMOTEO 2:17

Chai rimanacuicunaca sisu ungüi shinami mirarishpa catin. Chai shina rimaccunaca Himeneo, Filetomi carcacuna.

1 CORINTIOS 3:21

Chaimantami maijanpish gentecuna yachachishcallapi shunguta churashpa caticushpaca, mana jatun tucunachu can. Tucui imapish cancunapacmi.

SAN LUCAS 13:21

Dios mandacucca, shuc huarmi quimsa taza harinata ashalla levadurahuan chapushpa, tucui chaputa punguillichic shinami” nirca.

OSEAS 7:4

Paicunaca yallita huainayaccunami. Paicunaca tandata ruhuai callarishpa, tanda punguillingacaman rupac horno shinami.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.