1 CORINTIOS 5:5 - Dios Rimashcata Quillcashcami

⁵ Chaimanta chai huacllirishca runataca paipac aicha llaquichishca cachun, Satanaspac maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

Nuevo Testamento en Quichua Cañar 1996

⁵ Shina cacpica, chai huacllirishca runataca paipac aicha llaquichishca cachun, Satanaspac*f** maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

1 CORINTIOS 5:5 Referans Kwoze

1 TIMOTEO 1:20

Chaicunaca Himeneo shinallatac Alejandromi chashna tucurcacuna. Paicunatami Diosta ama camishpa catichun nishpa, Satanasman curcani.

JOB 2:6

Shina nicpi, Mandac Diosca Satanastaca: —Riqui, paica cambac maquipimi. Shina cacpipish paipac causaipica ama tuparinguichu— nirca.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

2 CORINTIOS 10:6

Cancuna tucuita cazushca quipaca, mana cazuccunatami llaquichina yuyailla canchic.

1 CORINTIOS 11:32

Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.

1 CORINTIOS 5:13

Mana criccunataca Diosmi taripashpa juchanchinga. Cancunapuramanta chai mana allita ruhuactaca anchuchichic.

1 CORINTIOS 1:8

Shinallatac Pai cutimui punzhapi ama pi juchanchichunmi, tucuri punzhacaman sinchi cricta ruhuashpa charinga.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

1 JUAN 5:16

Maijanpish shuc huauqui mana huañuiman apacuc juchata ruhuacta ricushpaca, paimanta Diosta mañanami can. Chashna mañacpica, Diosca causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.

PROVERBIOS 23:14

Anguhuan yachachishpa dalishpaca, paipac alma Seolman rinamantami quishpichingui.

SALMOS 109:6

Paicunata llaquichichunca canta mana manchac runata churaiyari. Paipac alli ladopica Satanás shayacuchun.

2 PEDRO 3:12

Dios shamuna punzha utca chayamuchunca, Diospaclla causanata munashpa shuyacuichic. Chai punzhapica, jahua pachataca ninahuan tucuchishpami chaipi ima tiyaccunatapish ninallahuantac tucui yacuyachinga.

2 TIMOTEO 1:18

Chashna cashcamanta Apunchic Jesusllatac tucuita taripana punzhapica, mai llaquishca cachunmi nini. Efeso pueblopi ima shina allicunata ruhuashpa cushichishcataca, canllatacmi alli yachangui.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

SAN LUCAS 22:31

Shinallatac Jesusca: —Simón, Simón, Satanasca trigota shushuc shina ruhuangapacmi, Cancunataca mañashca.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.

LEVÍTICO 13:21

Sisu ungüita cura allita ricushpa, chai sisupi mana millma yuracyashca cacpi, llullu aichacaman sisushca cacpi, ashtahuan yanayashpa alliyacucpica, curami canchis punzhacaman huichcashpa churanga.