1 CORINTIOS 4:8 - Dios Rimashcata Quillcashcami

⁸ Ña tucuita charishpaca, chayuccunami canguichic. Chaimantami mana ñucahuan cashpapish, jatun mandaccuna canguichic. ¡Mandaccunata cashpaca, allimari canguichicman! ¡Ñucapish cancunahuan mandaimanmi!

Nuevo Testamento en Quichua Cañar 1996

⁸ Cancuna tucui ima illashcata charishpaca, chayuccuna cashcatami yuyanguichic. Mana ñucanchichuan cashpapish, jatun mandaccuna shina cashcatami yuyanguichic. ¡Cancunaca mandaccunatac cashpaca, allimari canguichicman! Shina cacpicarin, ñucanchicpish cancunahuan mandanchicmanmi.

1 CORINTIOS 4:8 Referans Kwoze

APOCALIPSIS 5:10

Chashnami ñucanchicta Mandac Diospacta ruhuaccuna, jatun mandaccuna, curacuna cachun ruhuashcangui. Shina cashpami cai pachataca mandashun» nircacuna.

GÁLATAS 6:3

Maijan manapish ima cashpa, “allimi cani” nicca, paillatacmi llullarishpa pandaricun.

2 CORINTIOS 13:9

Chaimanta ñucanchicta “shina shinalla criccunami” nicucpipish, cancuna ashtahuan sinchi criccuna cacpimi cushicunchic. Cancuna Cristota catishpa, ashtahuan sinchiyangacamanmi, Diosta mañashpa caticushunlla.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

1 CORINTIOS 1:5

Cristomantami cancunaca yallita yachaccunapish, allita rimaccunapish canguichic.

ROMANOS 12:3

Dios ñucata cuyashcamantami, cancunataca ama yachac tucuichicchu, chaipac randica Dios crina yuyaita cushca shina, causachunmi ninimi.

SAN LUCAS 6:25

¡Cunan mana nicta micuccunalla, imachari tucunguichic! Cancunaca yarcaihuanmi canguichic. ¡Cunan cushicushpa asiccunalla, llaquihuanmi huacanguichic!

PROVERBIOS 13:7

Maijanpish chayucyasha nishpapish imata mana charinchu. Shinallatac maijanpish huaccha casha nishpaca achca charicmi tucuncuna.

APOCALIPSIS 3:17

Canca, ñucaca chayucmi cani, imapish mana illanchu, tucuipimi alli ricuni nicunguimi. Ashtahuanpish imatapish mana charic, lluchulla, ñahui mana ricuc, misa, pipish mana cuyashca cashcataca mana yachanguichu.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli caticushcatami cancunamantaca uyasha nini.

2 CORINTIOS 11:1

Ñuca yuyai illac shina rimarishcata ashata uyaichic. Ima shina cashpapish uyaichicyari.

1 CORINTIOS 4:18

Maijancunaca: “Pabloca mana ricungapac shamungachu” yuyashpami, jatun tucushpa puricunguichic.

HECHOS 26:29

Chashna nicpimi Pabloca: —¡Diosca, ashallamanta, mana cashpaca achcamanta ñuca shina cric cachunmi munan! ¡Mana canlla, ashtahuanpish tucui caipi uyaccunapish cric cachunmi munani! ¡Ñuca shina cadenahuan huatashca cachunca mana munanichu!— nirca.

JEREMÍAS 28:6

«¡Chashna cachun! Mandac Diosca chashna ruhuachunlla. Can huillashca shina, Mandac Diospac huasipi ima tiyashcacunata apashcatapish, prezu apashcatapish Babilonia llactamanta caiman cutichimuchun.

ISAÍAS 5:21

¡Aij, paicunapac yuyaipi “Alli yachaccunami canchic, alli yuyaiyucmi purinchic” niccunalla!

PROVERBIOS 25:14

Jatun tucushpa imatapish cushami nishpa mana pactachic runaca tamya illac puyu huaira shinami.

NÚMEROS 11:29

Shina nicpimi Moisesca: —Ama ñucata llaquichichu. Tucui gentecuna Diosmanta huillaccuna cashpaca allimi canman. Paicunapi Mandac Dios paipac Espirituta churashca cacpica, allimi canga— nirca.

SAN MATEO 5:1

Jesusca achca gentecuna paita caticucta ricushpami, urcu jahuaman rirca. Chaipi tiyacucpimi, paipac yachacuccunaca cuchuyarca.