1 CORINTIOS 4:17 - Dios Rimashcata Quillcashcami

¹⁷ Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

Nuevo Testamento en Quichua Cañar 1996

¹⁷ Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

1 CORINTIOS 4:17 Referans Kwoze

1 TIMOTEO 1:2

Jesusta crishcamanta ñucapac quiquin huahua shina cac Timoteoman quillcashpa cachani. Ñucanchic Diospish, Apunchic Jesucristopish sumaimana cuyaihuan llaquishpa, canman sumac causaita cushca cachun ninimi.

1 CORINTIOS 16:10

Timoteo chayacpica, cushilla cancunahuan cachun sumacta chasquinguichic. Paica ñuca shinami Apunchic Jesucristopacta ruhuac can.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic. Tandanacushca criccunataca maipipish chai shinallatacmi mandani.

2 TIMOTEO 1:2

Ñuca cuyashca huahua shina Timoteo, ñucanchic Diospish, Apunchic Jesucristopish canta cuyashpa, llaquishpa sumac causaita canman cushca cachun nishpami quillcani.

1 CORINTIOS 16:1

Criccunata ayudangapac ofrendata tandachishpaca, Galacia llacta criccunata yachachishca shina tandanguichic.

1 CORINTIOS 14:33

Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

1 CORINTIOS 11:2

Cancuna ñuca yachachishcata cazushpa, ñucata yuyarishpa causacushcamantaca alli ninimi.

1 CORINTIOS 7:25

Carihuan manarac chayarishca solteracunata yachachingapacca, Apunchic Jesús mandashcataca mana charinichu. Shina cashpapish Apunchic Jesús cuyashcamantami, ñuca yuyaimanta caitaca chashna nini. Chaitaca tucui shunguhuan uyaichicyari:

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca piñaric cashcatapish, cric cashcatapish, cuyac cashcatapish,

2 TIMOTEO 2:2

Tauca gentecunapac ñaupapi ñuca ima yachachishcata uyashcataca, yachachinata pudic criccunaman, paicunapish shuccunaman yachachichun mingai.

COLOSENSES 4:9

Ñucanchic cuyashca, allita pactachic huauqui Onesimopish paihuanmi rin. Paica cancunapurallatacmi can. Paicunami caipi tucui ñucanchic ima shina cashcatapish parlanga.

COLOSENSES 1:7

Cai alli huillaitaca, ñucanchic-huan Diospacta ruhuac cuyashca Epafrasmi yachachirca. Paica Jesucristota alli catic cashpami, cancunaman imapish alli cachun allita ruhuacun.

FILIPENSES 2:19

Apunchic Jesuspac munai cacpica, Timoteotami cancunapacman utca cachanata yuyacuni. Pai cutimushpa cancuna ima shina cashcata huillacpica, ashtahuanmi cushicusha.

EFESIOS 6:21

Ima shina ñuca cashcatapish, ñuca imata ruhuacushcatapish Apunchic Jesuspacta allita ruhuac, ñucanchic cuyashca huauqui Tiquicomi huillagringa.

1 CORINTIOS 11:16

Caicunamanta maijan mana uyasha nishpa, rimaccunataca: Ñucanchicpish, Diospaclla tandanacushca criccunapish, shuctaclaya causana tiyashcataca mana yachanchicchu.

1 CORINTIOS 4:15

Cancunaca Cristomanta chunga huaranga yachachiccunata charishpapish, mana tauca taitacunatachu charinguichic. Alli huillaita ñuca huillacpi, cancuna Jesucristohuan shuc shinalla tucushcamantaca, ñucami cancunapac taita shina cani.

SAN MATEO 25:23

Chashna nicpimi amoca: “Allimi, canca allita ruhuac, cazuc servicmi cangui. Ashallapipish allita ruhuashcamantaca, achcatami canmanca cusha. Cunanca ñucahuan cushicungapac ucuman yaicui” nirca.

SAN MATEO 25:21

Chashna nicpimi amoca: “Allitami ruhuashcangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui” nirca.

SAN MATEO 24:45

¿Maijantac alli cazuc, alli yuyaiyuc servic runaca canga? Paipac amo mandashcata cazushpami, serviccunaman micuna horas caranga.

PROVERBIOS 13:17

Mana alli huillac runaca llaquitami apamun. Ashtahuanpish cashcata huillac runaca jambic shina cushicuitami apamun.

NÚMEROS 12:7

Shina cacpipish, ñucata servic Moises-huanca mana chashnachu parlani. Paica ñuca huasipi allita servicmi.

1 CORINTIOS 4:2

Maijanta yachachichun churacpica pactachic cashcatami ricuchina can.

HECHOS 16:1

Chai quipaca Pabloca Silas-huanmi Derbe pueblota rishpa, Listra puebloman chayarca. Chaipimi Jesucristota cric Timoteo causarca. Paipac mamapish israelcunapuramanta cric huarmimi carca. Taitaca griego runami carca.

1 CORINTIOS 4:14

Mana cancunata pingaichingapacchu caicunataca quillcanchic, ashtahuanpish ñuca cuyashca huahuacunata cunac shinami cashna rimani.

1 CORINTIOS 11:34

Maijanpish yarcaihuan cashpaca, quiquin huasillapitac micuchun. Tandanacuipi mana allita ruhuashcamanta Dios ama llaquichishca cachunmi, chashnaca nini. Caishuc allichinacunataca ñuca shamushpami allichisha.

2 CORINTIOS 8:18

Shinallatac alli huillaita huillacushcamanta tucui tandanacushca criccunapac alli nishca, shuc huauquitami Titohuanca cachani.

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaitaca ñucahuan pacta huillacurca.

1 TIMOTEO 1:18

Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

TITO 1:5

Creta llactapi canta saquishpaca, ñuca nishca shinallatac chai allichina cashcatapish allichichun, tandanacushca criccuna tiyac pueblocunapica criccunata pushaccunata acllashpa churachunmi saquimurcani.