1 CORINTIOS 2:6 - Dios Rimashcata Quillcashcami

⁶ Ashtahuanpish ña sinchi criccuna cashpaca, alli yachai rimaicunahuan rimanacunchic. Cai alli yachai rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

Nuevo Testamento en Quichua Cañar 1996

⁶ Shina cashpami ña sinchi criccunapura cashpaca, yachac tucuna rimaicunahuan rimanacunchic. Ashtahuanpish cai yachac tucuna rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

1 CORINTIOS 2:6 Referans Kwoze

HEBREOS 5:14

Sinchi micuita micucca ña yuyaita charishpami, imatapish taripashpa, allitapish, mana allitapish yachac chayan.

SANTIAGO 3:15

Chai shina yachac canaca mana Diosmantachu shamun, ashtahuanpish cai pacha gentecuna yuyashcallamanta shinallatac diablomantami shamun.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

1 CORINTIOS 2:8

Chaitaca cai pacha mandaccunaca mana yacharcacunachu. Paicuna yachashca cashpaca, Mandac Apunchic Jesustaca mana chacatanmanchu carca.

1 CORINTIOS 1:28

Jatun yachaccunata yangapi churangapacmi, cai pachapi mana alli nishca, imapacpish mana valichishca yangalla gentecunata Diosca acllashca.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

SAN MATEO 5:48

Jahua pacha Dios ima shinami allita can, chashnallatac cancunapish allita caichic.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

JOB 12:21

Jatun mandaccunatapish mana valichinllami. Alli sinchita huatallishcatapish pascachinllami.

JOB 12:19

Curacunataca paicuna imata ruhuana cashcamanta anchuchinmi, poderta chariccunatapish llucchishpami cachan.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa catichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc, cuyac Diosca cancunahuan canga.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

1 CORINTIOS 2:13

Chaimantami ñucanchicca mana ñucanchic yuyaillamanta ashtahuanpish Diospac Espíritu yuyaita cushcallatac rimanchic. Shina cashpami Diospac Espíritu yuyaita cushcallata Paimanta munaccunamanca yachachinchic.

1 CORINTIOS 2:1

Cuyashca criccuna, Diosmanta alli huillaita huillangapac cancunapacman rishpaca, mana entendipac, yachac tucushca rimaicunahuanca mana huillarcanichu.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

SAN MATEO 19:21

Chashna nicpimi Jesusca: —Diospac ñaupapi alli canata munashpaca, tucui charishcacunata catushpa, huacchacunaman cugri. Chashna ruhuashpami, jahua pachapica achcata charingui. Chashna ruhuashpaca, ñucata catilla— nirca.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

ISAÍAS 40:23

Paica jatun poderta chariccunataca yangallata ruhuan. Cai pachata mandaccunatapish yangapimi churan.

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

SALMOS 146:4

Paicunapac samai tucuricpica, allpallamantacmi cutinga. Chai punzhallatacmi paicuna imata yuyaricushcapish tucuringa.

1 CORINTIOS 3:1

Cuyashca criccuna, Cristomanta huillashpaca, Diospac Espíritu yuyaita cushca gentecunaman shinaca mana huillarcanichu, ashtahuanpish manarac Cristota alli cric, cai pacha jucha munashcata ruhuac criccunamanmi huillarcani.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

2 CORINTIOS 4:3

Ñucanchic huillacushca alli huillai pañohuan jarcashca shina ricurishpaca, chingarinaman riccunallamanmi chashnaca ricurin.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

HEBREOS 6:1

Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,