1 CORINTIOS 2:16 - Dios Rimashcata Quillcashcami

¹⁶ Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.

Nuevo Testamento en Quichua Cañar 1996

¹⁶ Dios quillcachishcapica: “Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?” ninmi. Shina cacpipish ñucanchictaca Cristomi yuyaita cushpa yachachicun.

1 CORINTIOS 2:16 Referans Kwoze

ROMANOS 11:34

Chaica, ¿pitac Diospac yuyaita ricsin? ¿Pitac paiman yuyaita cun?

SAN JUAN 15:15

Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

JOB 15:8

¿Canca Dios pacalla rimashcatachu uyarcangui? ¿Canllachu jatun yachaita chasquircangui?

JEREMÍAS 23:18

Jeremiasca: «Shina cacpipish, ¿pitac Mandac Dios cunashcata yacharca? ¿Pitac pai rimashcatapish uyarca? ¿Pitac pai rimashcataca cushilla uyarca?

JOB 40:2

«¿Canca tucuita ruhuac Dios-huanchu cariyashpa chimbapurasha ningui? Maijanpish Dios-huan chimbapurasha nishpaca caicunatami cutichina can» nirca.

JOB 22:2

«¿Runaca Diospacca ima allipac valingachu? ¿Jatun yachac cashpapish Diosmanca allita ruhuai pudingachu?

GÉNESIS 1:12

Chashna nicpica, chashnami allpapica verdinlla quihuapish, imalaya pucuc quihuapish, muyuta cuc yurapish huiñashpa pucurca. Chashnami imalaya muyupish chai yuracunapi tiyarca. Diosca chaitaca alli cashcatami ricurca.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.