1 CORINTIOS 2:15 - Dios Rimashcata Quillcashcami

¹⁵ Ashtahuanpish Diospac Espiritumanta yachanata munacca alli cashcatapish, mana alli cashcatapish yachanmi. Paitaca pi mana juchanchi pudinchu.

Nuevo Testamento en Quichua Cañar 1996

¹⁵ Ashtahuanpish Diospac Espiritumanta yachanata munacca alli cashcatapish, mana alli cashcatapish yachanmi. Paitaca pi imata mana ni pudinchu.

1 CORINTIOS 2:15 Referans Kwoze

1 TESALONICENSES 5:21

Tucuita allita ricushpa, allitaca huacaichishpa causaichic.

PROVERBIOS 28:5

Millai runacunaca allita ruhuanataca mana entendincunachu. Ashtahuanpish Mandac Diosta mashcaccunaca tucuitami entendin.

HEBREOS 5:14

Sinchi micuita micucca ña yuyaita charishpami, imatapish taripashpa, allitapish, mana allitapish yachac chayan.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

1 CORINTIOS 14:37

Maijanpish “Dios ima nishcata huillacmi cani” nicca, mana cashpaca “Diospac Espirituhuanmi cani” nicca, cai ñuca quillcashcaca Apunchic Jesús mandashca cashcata yachachun.

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

FILIPENSES 1:10

Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

1 CORINTIOS 3:1

Cuyashca criccuna, Cristomanta huillashpaca, Diospac Espíritu yuyaita cushca gentecunaman shinaca mana huillarcanichu, ashtahuanpish manarac Cristota alli cric, cai pacha jucha munashcata ruhuac criccunamanmi huillarcani.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

HECHOS 16:3

Pabloca Timoteota pushasha nishpami, circuncisionta ruhuachirca. Chaica, paipac taita griego cashcata tucui israelcuna yachashcamanta, paicunahuan mana piñanacungapacmi chashna ruhuachirca.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

ECLESIASTÉS 8:5

Mandashcata cazuc runaca mana ima tucungachu. Yuyaisapa runapac shunguca Dios ima horas, ima shina ruhuanata yachanmi.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

2 SAMUEL 14:17

Cunanca, canta servic ñucaca: “Can jatun mandac imatapish allita ñucaman ruhuachunmi munani. Ñucata jatun mandaclla, Diospac ángel shina allitapish, mana allitapish ricushpa allichicmi cangui. ¡Chashna cashcamanta can jatun mandactaca Diosllatac pushashca cachun!” nishami— nirca.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.