1 CORINTIOS 16:22 - Dios Rimashcata Quillcashcami

²² Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

Nuevo Testamento en Quichua Cañar 1996

²² Maijanpish Apunchic Jesusta mana c'uyactaca, Taita Dios llaquichishca cachun. ¡Ñucanchic Apunchic Jesús, shamuilla!

1 CORINTIOS 16:22 Referans Kwoze

EFESIOS 6:24

Sumac mana chingaric cuyaihuan ñucanchic Apunchic Jesucristota tucui cuyaccunamanca, sumaimana cuyaita Diosca cushca cachun ninimi.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

1 JUAN 5:1

Maijanpish Jesusta “Quishpichic Cristomi” nicca Diospac huahuami. Maijanpish Taitata cuyacca paipac huahuacunatapish cuyanmi.

1 JUAN 4:19

Diosrac cuyashcamantami ñucanchicpish paitaca cuyanchic.

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!

1 PEDRO 2:7

Cancuna Cristota criccunamanca, paica mai valishcami can. Ashtahuanpish chaita mana criccunamanca, Dios quillcachishcapi nishca shinami pactashca. Chaipica: «Huasita ruhuaccuna mana nishca, shitashca rumillatacmi, huasita callaringapac tucuimanta yalli alli Rumica tucushca» ninmi.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

ROMANOS 9:3

Ñuca quiquin aillucunapac randi, ñucallatac Cristomanta anchurishpa, llaquichishca canatami munaiman.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

1 CORINTIOS 12:3

Chaimanta Diospac Espíritu maijanta rimachicucpica mana: «Jesusca ima llaqui tucuchun» ninmanchu. Shinallatac maijanpish Diospac Espíritu mana rimachicucpica mana: «Jesusca Mandacmi» ninmanchu.

HECHOS 23:14

Paicuna Israel curacunata mandac curacunapacman, pushac yuyaccunapacman rishpaca: —Ñucanchicca Pablota huañuchingacaman, imata mana micungapacmi ari ninacurcanchic. Mana chaita pactachicpica, Dios ñucanchicta llaquichichunmi yuyarinacurcanchic.

SAN JUAN 16:14

Paica ñucamanta chasquishpami cancunaman yachachinga. Chaimantami ñucata jatunyachinga.

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchayucchu canman carca. Ashtahuanpish cunanca ñuca ruhuashcacunata ricushpapish ñucatapish, ñuca Taitatapish piñancuna.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

SAN JUAN 14:15

Ñucata cuyashpaca, ñuca mandashcacunata cazunguichic.

ISAÍAS 5:1

Ñuca ricsishcamanmi paipac uvas chagramanta cantagrini. Ñuca ricsishcami alli pucuc allpa quingraipi uvas chagrata charirca.

CANTARES 5:16

Paipac shimica mai mishquimi. Jerusalenpi causac solteracunalla, ñuca cuyashca, ñuca ricsishcapac shimica bunga mishqui shinami.

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

FILIPENSES 4:5

Cancuna shuccunata llaquiccuna cashcataca tucui mashna yachachuncuna. Apunchic Jesús cutimunaca ña caillapimi.