1 CORINTIOS 16:13 - Dios Rimashcata Quillcashcami

¹³ Tucui shunguhuan crishpa, mana manchashpa, alli sinchiyashpa chaparacuichic.

Nuevo Testamento en Quichua Cañar 1996

¹³ Riccharishca shina tucui shunguhuan crishpa, imatapish mana manchashpa, alli sinchiyashpa c'atiraichic.

1 CORINTIOS 16:13 Referans Kwoze

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

1 CORINTIOS 15:58

Chaimanta cuyashca criccuna, pi ama urmachichun, Apunchic Jesusta tucui shunguhuan crishpa catiraichic. Apunchic Jesuspac ruhuaitaca punzhanta ruhuacuichiclla. Apunchic Jesus-huan cancuna imata ruhuashcaca mana yangachu canga.

GÁLATAS 5:1

Ama huatashca shina causachunmi, Cristoca ñucanchicta cacharichirca. Shina cashcamanta ama cutinllatac huatashca shina tucunata yuyaichicchu.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

FILIPENSES 4:13

Imatapish ruhuaclla Cristohuanca tucui imatapish ruhuai pudini.

2 TESALONICENSES 2:15

Shina cashcamanta cuyashca criccuna, ñucanchic quillcashpapish, ñucanchic yachachishpapish, imata nishcataca amatac cungarishpa catichiclla.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli caticushcatami cancunamantaca uyasha nini.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

FILIPENSES 4:1

Chaimanta cuyashca criccuna, Apunchic Jesus-huan shuclla cashcamantaca, imapipish sinchi caichic. Cancunaca ñucata cushichiccuna, cancunamanta ñuca japina coronami canguichic. Ñucaca cancunata ricuna yuyaillami cani.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

1 TESALONICENSES 3:8

Chai shina Apunchic Jesusta alli caticushcata yachashpami, cutin causaric shina cushicunchic.

2 TIMOTEO 4:7

Ñucaca Jesusta crinata mana saquishpami, macanacuipi alli macanacushpa mishac shina chai chayana cashcaman ña chayashcani.

2 SAMUEL 10:12

Ñucanchic llactamantapish, ñucanchicta Mandac Diospac pueblocunamantapish sinchita macanacushunchic. Ama manchaichu. Mandac Dios pai munashca shina ruhuachun» nirca.

2 CORINTIOS 1:24

Cancunaca ña alli criccunami canguichic. Crishpa caita chaita ruhuachun nishpaca, mana mandanchicchu, ashtahuanpish cancuna crishcamanta cushicuihuan catichunmi ayudanata munanchic.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

COLOSENSES 4:2

Diosta mañashpa, paita pagui nicuichiclla.

1 CRÓNICAS 28:10

Riqui, cunanca Mandac Diosca cantaca shuc huasita shayachishpa, paipaclla chicanyachichunmi acllarca. ¡Ama manchashpa, chaitaca ruhuailla!» nirca.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli catingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Diosca acllashca.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

2 TIMOTEO 2:1

Ñuca huahua shina Timoteo, canca Jesucristohuan shuclla cashcamanta, Dios cuyashpa allicunata cushcahuan sinchi tucuiyari.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyanamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

DANIEL 10:19

Chai quipami paica: “Canca yallita cuyashcami cangui, ama manchaichu. Cushi causaitami causangui. Canca fuerzata japishpa sinchicuilla” nirca. Pai chashna nicucllapitacmi sinchiyarcani. Chashna cashpami: “Ñuca amolla, ñucata sinchiyachishcanguimi, cunanca rimailla” nircani.

DANIEL 11:32

Dios-huan ari nishcata mana cazuccunataca crinallata parlashpami crichinga. Shina crichicucpipish, paicunapac Diosta ricsic gentecunaca sinchiyashpami shayaringa.

1 TESALONICENSES 5:6

Chaimanta mana caishuccuna shina sueñunachu canchic. Ashtahuanpish riccharishca shina chaparanami canchic.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Diosta mañacuni.

1 SAMUEL 4:9

Filisteocunalla, hebreocuna ñucanchicta servishpa causacushca shinallatac ñucanchicpish paicunata mana servishpa causangapacca sinchiyaichic. ¡Filisteocunalla sinchi, sinchita shayarishpa macanacushunchic!» nirca.

ZACARÍAS 8:9

Tucuita Mandac Diosca: «Ñucapac huasita shayachingapac callari rumita churashca punzhamanta pacha ñuca ima nishcata huillaccuna rimashcata uyaccuna sinchiyaichic.

HAGEO 2:4

Chaimanta Zorobabel-lla, Josadacpac churi curacunata mandac Josuella, sinchicuiyari. Tucui llactapi causaccunapish sinchicushpa, tucui shunguhuan trabajaichicyari. Ñucaca cancunahuanmi cani. Chaitaca Mandac Dios ñucami nini.

1 CRÓNICAS 19:13

Ñucanchic llactamantapish, ñucanchic Mandac Diospac pueblomantapish mana manchashpa sinchita macanacushunchic. Mandac Diosca pai munashca shina imatapish ruhuachun» nirca.

APOCALIPSIS 16:15

«Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga»

2 TIMOTEO 4:5

Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

ZACARÍAS 8:13

Judá llactapi causaccunalla, israelcunalla, shuctac llactacunapac mana alli nishcami causarcanguichic. Shina cacpipish, chai llaquimanta quishpichishpami bendiciasha. ¡Ama manchaichicchu! ¡Cushicuichic!

SAN MATEO 25:13

Chai shinallatac Runa Tucungapac shamushca ñuca ima punzha, ima horas cutimunata mana yachashcamanta allichirishpa shuyacuichic.

JOSUÉ 1:18

Maijanpish can mandashcata mana cazushpa, cariyacca huañunami can. ¡Ama manchaichu, sinchi cailla!— nirca.

1 REYES 2:2

«Ñucaca cai pachamanta tucui mashna rina ñanllatatacmi catishpa rigrini. Shina cacpipish, canca sinchi tucushpa, cari cari shayaringui.

SALMOS 31:24

Mandac Diosta shuyaccunaca ashtahuan sinchiyaichiclla. Cancunapac shungupica samaita aisac shina sinchiyaichiclla.