1 CORINTIOS 15:57 - Dios Rimashcata Quillcashcami

⁵⁷ Ashtahuanpish ñucanchic Apunchic Jesucristomantami atishcanchic. Chaimantami Diosta pagui nicunalla canchic.

Nuevo Testamento en Quichua Cañar 1996

⁵⁷ Ashtahuanpish ñucanchic Apunchic Jesucristomanta Taita Dios mishana cashcata ñucanchicman cushcamantaca, pagui nicunallami canchic.

1 CORINTIOS 15:57 Referans Kwoze

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

PROVERBIOS 21:31

Macanacui punzhapacca caballotami yallita allichincuna. Ashtahuanpish Mandac Dios mishachicpimi mishancuna.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

2 CORINTIOS 9:15

¡Ima shina mana pagui nipac allicunata Dios cushcamantami, paitaca pagui nicunchiclla!

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

EFESIOS 5:20

Ñucanchic Apunchic Jesuspac shutipi punzhanta imamantapish Diostaca pagui nicuichiclla.

ROMANOS 7:25

Diosllami Apunchic Jesucristomanta chai huañuimanta cacharichinga. Chaimantami paitaca pagui nini. Ñuca yuyaihuanca Dios mandashcacunatami pactachinata munani. Cutin ñuca cuerpopi tiyac munaihuanca, jucha mandashcatami ruhuacuni.

1 CRÓNICAS 22:11

Cunanca ñuca huahualla, Mandac Dios canhuan cachun. Imata can ruhuacpipish, allimi llucshinga. Shinallatac canta Mandac Diospac huasitaca Dios canta ima shina mandashca shinallatac shayachingui.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

1 CORINTIOS 15:51

Dios manarac piman yachachishcatami ricsichisha nini. Mana tucuichu huañushun. Shina cashpapish, tucuimi shuctacyachishca cashun.

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

HECHOS 27:35

Chashna nishpami Pabloca tandata japishpa, tucui chaipi caccunapac ñaupapi Diosta pagui nishpa, chaupishpa micui callarirca.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.