1 CORINTIOS 15:33 - Dios Rimashcata Quillcashcami

³³ Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

Nuevo Testamento en Quichua Cañar 1996

³³ Pandachichunca ama saquinguichicchu. Maijancuna nishca shinaca: “Mana alli gentecunahuan tandarishpami, cancunapac alli causaitaca saquinguichic” ninmi.

1 CORINTIOS 15:33 Referans Kwoze

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

SAN MATEO 24:4

Chashna nicpimi Jesusca: —Pacta pi cancunata pandachinman, cuidaringuichic.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

PROVERBIOS 9:6

Yuyai illac causaita saquishpaca causanguichicmi. Alli yuyaihuan purina ñanpi purichi» nircami.

EFESIOS 5:6

Yanga parlocunahuanca pipish cancunata ama pandachichun. Chashna mana allita ruhuashcamantami Dios piñarishpa, tucui paita mana cazuccunataca llaquichinga.

GÁLATAS 6:7

Ama llullanacuichicchu. Diostaca pipish mana llullashpa crichinchu. Pipish imata ruhuashcamantaca chaillatatacmi japinga.

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

SAN MATEO 24:24

Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

2 PEDRO 2:2

Taucacunami paicuna mana alli causacuc shinallatac causangacuna. Chaimantami cashcata nic huillashcata catinatapish mana allichu nishpa rimangacuna.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

SAN MATEO 24:11

Tauca llullac huillaccuna shamushpami, achca gentecunata pandachinga.

2 TESALONICENSES 2:10

Jatun llaquiman ricuccunataca tucuilaya mana allita ruhuashpami, umashpa crichinga. Paicuna quishpiringapac cashcata nic huillashcata piñashpa, mana chasquishcamantami chashnaca tucunga.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

PROVERBIOS 22:25

Pacta paicuna shina tucushpa, cambac causaita tucllapi churanguiman.