1 CORINTIOS 15:24 - Dios Rimashcata Quillcashcami

²⁴ Cristo tucui mandaccunatapish, jatun mandaccunatapish, poderta charic mandaccunatapish chingachishpa, pai mandacushcata Diosman cucpimi, cai pachaca tucuringa.

Nuevo Testamento en Quichua Cañar 1996

²⁴ Cristo tucui mandaccunatapish, jatun mandaccunatapish, poderta charic mandaccunatapish chingachishpa, pai mandacushcata Taita Diosman cucpimi, cai pachaca tucuringa.

1 CORINTIOS 15:24 Referans Kwoze

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

1 TIMOTEO 6:15

Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

SAN JUAN 13:3

Jesusca paiman Dios poderta cushcatapish, Dios cachashca shamushcatapish, paipacman cutina cashcatapish yacharcami.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

SAN JUAN 3:35

Diosca paipac Churita yallitami cuyan. Chaimantami tucuita pai mandachun cushca.

SAN MATEO 24:13

Chaica, pipish tucuricaman llaquicunata apactaca quishpiringami.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

DANIEL 12:13

Shina cacpipish, canca caticuilla. Tucuri punzhacunapi can japina cashcata japingapac samarilla” nirca.

DANIEL 12:9

Shina nicpimi paica: “Daniel, cunanca rilla, cai nishcacunaca tucuri punzhacamanmi sellashpa churashca can.

ROMANOS 8:38

Diospac cuyaimantaca huañuipish, causaipish, angelcunapish, poderyuc espiritucunapish, cunan ima tucushcapish, quipa ima tucunapish mana anchuchinchu.

DANIEL 12:4

Shina cacpipish, Daniel-lla, canca cai rimashcata quillcashca librotaca tucuri punzhacaman sellashpa churai. Achcacunami allita yachanata mashcashpa caiman chaiman callpanga.

EFESIOS 5:20

Ñucanchic Apunchic Jesuspac shutipi punzhanta imamantapish Diostaca pagui nicuichiclla.

COLOSENSES 2:10

Jesucristollamantami, Diospac tucui sumaccunataca charinguichic. Paica poderta charic mandac espiritucunata mandacmi.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.