1 CORINTIOS 14:25 - Dios Rimashcata Quillcashcami

²⁵ Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

Nuevo Testamento en Quichua Cañar 1996

²⁵ Chashna cacpimi paipac shungu ucupi tucui ima yuyacushcatapish mana pacashpa huillanga. Chashnami Taita Dios cancunahuan cashcatatac yachashpa, cungurishpa, Taita Diosta “allimari cangui” ninga.

1 CORINTIOS 14:25 Referans Kwoze

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.

SAN LUCAS 17:16

Chashna cutimushpami, Jesuspac ñaupapi pambacaman cumurishpa diosolopagui nirca. Ashtahuanpish chai runaca, Samaria llacta runami carca.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

SALMOS 72:11

Tucui jatun mandaccunami paipac ñaupapi cunguringa. Tucui shuctac llactacunapi causaccunami paita servinga.

DEUTERONOMIO 9:18

Chai quipaca cancuna Mandac Diosta piñachingacaman paipac ñaupapi mana allita ruhuashpa, juchallishcanmantami utcapi shina, chuscu chunga punzhata, chuscu chunga tutata mana micushpa, mana yacuta ubiashpa, Mandac Diospac ñaupapi cumurircani.

GÉNESIS 44:14

Judaca José huasipi cacpiracmi, paipac huauquicunahuan chayarca. Chashna chayashpami, Josepac ñaupapi pambacaman cumurirca.

APOCALIPSIS 19:4

Shina nicpimi chai ishcai chunga chuscu yuyaccunapish, chuscu causaita chariccunapish cungurishpa, mandashpa tiyarinapi cac Diostaca alli nircacuna. Paicunaca: «¡Chashna cachun!» «¡Cushicushpa alli nichi!» nircacuna.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

SAN JUAN 4:19

Shina nicpimi, chai huarmica: —Amito, canca Dios ima nishcata huillacmi yuyachingui.

HECHOS 4:13

Pedropish, Juanpish yachacungapacllapish mana rishca yangalla runacunami carca. Chashna cashpapish mana manchashpami, allita rimarca. Chaimantami chai mandaccunaca mancharishpa saquirirca. Chaimantami paicunaca Jesus-huan puriccuna cashcata yachac chayarcacuna.

1 SAMUEL 9:19

Shina nicpimi, Samuelca Saultaca: —Ñucami Dios ricuchishcata huillacca cani. Cunanca ñucahuan micungapac lomaman jacu. Caya tutamantami cambac shungupi imata yachasha nicushcataca huillashpa, caya minchacaman nishpa cachasha.