1 CORINTIOS 14:16 - Dios Rimashcata Quillcashcami

¹⁶ Can espiritullahuan Diosta pagui nicpica, ¿ima shinatac shuc manarac yachac runaca entendingayari? Chashna can Diosta pagui nicucpica, ¿ima shinatac «Chashna cachun» ningayari?

Nuevo Testamento en Quichua Cañar 1996

¹⁶ Canca cambac espiritullahuan Diosta pagui nicpica, ¿ima shinatac shuc manarac yachacca entendingayari? Chashna mana entendishpaca, ¿ima shinatac canhuan pacta Diosta pagui ningayari?

1 CORINTIOS 14:16 Referans Kwoze

APOCALIPSIS 5:14

Chai chuscu causaita chariccunaca: «¡Chashna cachun!» nircami. Shinallatac chai ishcai chunga chuscu yuyaccunaca cungurishpa cumurishpami huiñai huiñaita causacutaca alli nircacuna.

SALMOS 106:48

¡Israelcunata Mandac Diosca ñaupamanta huiñaicaman alli nishca cachun! Shinallatac tucui gentecuna: «Chashna cachun» nichicyari. ¡Mandac Diosta alabaichicyari!

1 CRÓNICAS 16:36

¡Israelcunata Mandac Diosca, huiñaita alli nishca cachun!» nirca. Shina nicpimi, tucui gentecunaca: «¡Chashna cachun!» nishpa Mandac Diostaca alli nircacuna.

1 CORINTIOS 11:24

Diosta pagui nishpa, chaupishpaca: «Caica cancunamanta llaquita apana ñuca aichami. Ñucata yuyarishpa micucunguichiclla» nirca.

JEREMÍAS 28:6

«¡Chashna cachun! Mandac Diosca chashna ruhuachunlla. Can huillashca shina, Mandac Diospac huasipi ima tiyashcacunata apashcatapish, prezu apashcatapish Babilonia llactamanta caiman cutichimuchun.

NEHEMÍAS 8:6

Esdrasca Mandac jatun Diostami alli nirca. Shina alli nicpica, tucui gentecunami maquita huichai churashpa: «¡Chashna cachun! ¡Chashna cachun!» nircacuna. Shinallatac allpapi cungurishpami Mandac Diosta allimari cangui nircacuna.

APOCALIPSIS 7:12

«¡Chashna cachun! Ñucanchic Diosca sumac cashcamanta, yachac cashcamanta, alli nishca cashcamanta, imatapish ruhuaclla cashcamanta, jatun cashcamantami, huiñaicaman alli nishpa pagui ninchic. ¡Chashna cachun!» nicurcacuna.

NÚMEROS 5:22

Cai llaquichic yacu huicsaman yaicushpami huahuatapish mana charicta ruhuashpa, huicsatapish punguillichinga” nishpa gentecunapac ñaupapi ari nichinga. Shina nicpimi, chai huarmica: “Chashna cachun, chashna cachun” ninga.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!

1 CORINTIOS 16:24

Apunchic Jesucristomantami tucui cancunata cuyacuni.

1 CORINTIOS 14:14

Mana yachashca rimaipi Diosta mañashpaca, ñuca espirituhuan mañacuni. Shina cacpipish ñuca yuyaipica, imata mana entendinichu.

1 CORINTIOS 14:2

Maijanpish mana yachashca rimaicunata rimacca mana gentecunamanchu riman, ashtahuanpish Diosmanmi riman. Diospac Espíritu rimachicpimi, chaitaca pi mana entendin.

HECHOS 4:13

Pedropish, Juanpish yachacungapacllapish mana rishca yangalla runacunami carca. Chashna cashpapish mana manchashpami, allita rimarca. Chaimantami chai mandaccunaca mancharishpa saquirirca. Chaimantami paicunaca Jesus-huan puriccuna cashcata yachac chayarcacuna.

SAN JUAN 21:25

Jesusca mana caicunallatachu ruhuarca, ashtahuanpish shuctac taucacunatami ruhuarca. Chashna tucui chaicunata shucllancaman shucllancaman quillcacpica, cai pachapi maipi librota churanallapish mana pactanmanchu.

SAN JUAN 7:15

Jesús shina yachachicpimi israelcunaca: —¿Ima shinatac cai runaca yachachicllapish mana rishpa, cai tucuita yachanlla?— nishpa mancharirca.

MARCOS 16:20

Yachacuccuna rishpaca, tucui gentecunamanmi huillarca. Chashna huillacucpica, Apunchic Jesusmi paicunataca ayudac carca. Milagrocunata ruhuachishpami, Jesusca paicunahuan cashcataca ricuchicurca.]

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

JEREMÍAS 11:5

Cunan punzhapi nishca shinallatacmi cancunapac ñaupa taitacunaman lechepish, mishquipish yacu shina callpacuc llactata cusha nishpa, ari nircani. Chaitaca pactachishatacmi nircani” ninmi ningui» nirca. Shina nicpimi ñucaca: «¡Mandac Dioslla, chashna cachun!» nircani.

SALMOS 89:52

¡Mandac Diosca huiñaita alli nishca cachun! ¡Chashna cachun, chashna cachun!

SALMOS 72:19

¡Paipac sumaimana shutica huiñaita alli nishca cachun! Paipac sumaimana achicca tucui cai pachapi jundashca cachun. Chashna cachun, chashna cachun.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

1 REYES 1:36

Shina nicpimi, Joiadapac churi Benaiasca jatun mandactaca: —Chashna cachun. Ñuca amo jatun mandacpac Mandac Diosca chashna ruhuachun.

SAN MATEO 15:36

Chaimantami canchis tandata, asha challuata japishpa, Diosta pagui nirca. Chai quipaca chaupishpa chaupishpami, paipac yachacuccunaman curca. Paicunaca gentecunamanmi cararca.

2 CORINTIOS 1:20

Dios imatapish cushami nishcataca Jesucristomi pactachirca. Diosta jatunyachishpaca, paimantami ñucanchicca «chashna cachun» ninchic.