1 CORINTIOS 13:9 - Dios Rimashcata Quillcashcami

⁹ Ima yachanacunatapish, mana tucui yachanchicchu. Dios ima nishcamantapish, yachashcallatami huillanchic.

Nuevo Testamento en Quichua Cañar 1996

⁹ Ima yachanacunatapish, mana tucui yachanchicchu. Chashnallatac Dios ima nishcamantapish, yachashcallatami huillanchic.

1 CORINTIOS 13:9 Referans Kwoze

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.

1 CORINTIOS 8:2

Maijanpish “ña yachanimi” nishpapish, chai yachana cashca shinataca manarac yachanchu.

1 CORINTIOS 2:9

Ashtahuanpish Dios quillcachishcapica: «Imapish mana ricushcata, mana uyashcata shinallatac jaicapi mana yuyashcatami, paita cuyaccunamanca Diosca cusha nicun» ninmi.

SALMOS 139:6

Cambac yachaica sumaimanami. Canca jatun yachacmi cangui. Cambac yachaitaca mana entendinichu.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?

SALMOS 40:5

Mandac Dioslla, ñuca Dioslla, jatun mancharinacunataca achcatami ruhuashcangui. Ñucanchicman allita ruhuana yuyaillami cangui. Can ruhuashca allicunaca mana yupaipacmi. Can tucui allicunata ruhuashcata cambac ñaupapi yupashpa huillasha nishpapish maita mana yupaipacmi can.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

ROMANOS 11:34

Chaica, ¿pitac Diospac yuyaita ricsin? ¿Pitac paiman yuyaita cun?

JOB 26:14

Cai ruhuashcacunaca callari ruhuaicunallami. ¡Paimantaca asha ashallatami uyanchic! Paipac jatun podertaca ¿pitac alli yachai pudinga?» nirca.

1 CORINTIOS 13:10

Ima shina cashcatatac yachana chayamucpica, chai ashalla yachashcaca chingaringallami.