1 CORINTIOS 12:8 - Dios Rimashcata Quillcashcami

⁸ Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

Nuevo Testamento en Quichua Cañar 1996

⁸ Taita Dios paipac Espirituta cushpami, maijancunataca alli yuyaihuan rimachin. Cutin maijancunamanca chai Espiritullatacmi alli yachaicunata cun.

1 CORINTIOS 12:8 Referans Kwoze

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

2 CORINTIOS 8:7

Cancunaca alli criccuna, alli huillaita huillaccuna, alli yachaccuna, cushicushpa imatapish allita ruhuaccuna, shinallatac ñucanchicta cuyaccunami canguichic. Chai shinallatacmi cancunaca imata cushpapish, Dios cuyashcamanta yallita cuna canguichic.

1 CORINTIOS 1:5

Cristomantami cancunaca yallita yachaccunapish, allita rimaccunapish canguichic.

SALMOS 143:10

Canca ñuca Diosmi cangui. Cambac munaita ruhuanata yachachiyari. Cambac alli Espirituca alli ñanta pushachun.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

NEHEMÍAS 9:20

Cambac sumac Espirituhuanmi paicunata yachachircangui. Maná nishca micunapish mana illarcachu. Yacunayaihuan cacpipish, yacuta curcanguimi.

1 CORINTIOS 13:8

Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish, cuyaica jaicapi mana tucuringachu.

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

JOB 32:8

Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

ÉXODO 31:3

Ñucami, ñuca Espirituhuan paitaca tucuipi yuyaisapata, alli yachacta, quiquin yuyaihuan imatapish allita ruhuacta ruhuarcani.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

ROMANOS 15:14

Cuyashca criccuna, cancuna yallita cuyac cashcatapish, alli yachac cashcatapish, caishuc chaishucta cunac cashcatapish yachani.

1 CORINTIOS 2:11

Shungupi imata yuyacushcata gentecunapuraca pi mana yachanchu, ashtahuanpish paipac shungupi cac espiritullami yachan. Chashnallatacmi Dios imata yuyacushcataca gentecunaca mana yachan, chaitaca Diospac Espiritullami tucuita yachan.

1 CORINTIOS 2:16

Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.

1 CORINTIOS 14:6

Cuyashca criccuna, ñuca cancunapacman rishpa, Dios ima nishcata huillanapac randi, allita yachachinapac randi, cashcata yachachinapac randi, yachachishcacunata yachachinapac randica, mana yachashca rimaicunata ñuca rimacucpica, cancunamanca ¿ima allitac cangayari?

1 CORINTIOS 14:26

Chai shina cacpica, cuyashca criccuna, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca mana yachashca rimaicunata rimanguichicmi, shuccunaca chai rimashcata entendichinguichicmi. Tucui caicunataca criccuna ashtahuan Jesusta catishpa sinchiyachunmi, ruhuana canguichic.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 6:6

Shinallatac alli causac, imapish cashcata alli yachac, mana piñaric, llaquiccunami canchic. Diospac Espíritu ñucanchic shungupi cashcamantaca, chuya shunguhuan cuyaccuna cashcatami ricuchinchic.

2 CORINTIOS 11:6

Paicuna shina rimanata mana alli yachashpapish, Diosmantaca allimi yachani. Chai shina cashcataca ima shinapish allimi ricuchircani.