1 CORINTIOS 11:7 - Dios Rimashcata Quillcashcami

⁷ Carica Dios shina cashcamanta, shinallatac Diospac cushicuita ricuchic cashcamantami, umata mana tapallina can. Ashtahuanpish huarmica caripac cushicuitami ricuchin.

Nuevo Testamento en Quichua Cañar 1996

⁷ C'arica Diosman riccha cashcamanta shinallatac Dios sumac cashcata ricuchic cashcamantami, umata mana tapallina can. Cutin huarmica c'ari sumac cashcatami ricuchin.

1 CORINTIOS 11:7 Referans Kwoze

1 CORINTIOS 11:3

Shina cacpipish, Cristoca caripac uma cashcata, cutin carica huarmipac uma cashcata, Diosca Cristopac uma cashcata yachachunmi munani.

SALMOS 8:6

Can ruhuashcacunata mandactamari ruhuarcangui. Tucuitami cambac chaqui ucupi churarcangui.

GÉNESIS 9:6

Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

GÉNESIS 5:1

Caicunami Adanpac huahua huahuacunapac shuticunaca. Diosca runata ruhuashpaca, pai shinatami ruhuarca.

GÉNESIS 3:16

Cutin huarmitaca: —Can huicsayuc cacpica, yalli nanaitami mirachisha. Yalli nanaihuanmi huahuata sajuaringui. Canca cusahuan canatami munangui. Cusami cantaca mandanga— nirca.

SANTIAGO 3:9

Chai callullahuantacmi Diostapish allimari cangui ninchic, shinallatac Dios pai shina ruhuashca gentecunatapish, imapish tucushca canman ninchic.

PROVERBIOS 12:4

Yuyaisapa huarmica paipac cusapac corona shinami. Ashtahuanpish yuyai illac huarmica cusapac tulluta ismuchic shinami.

1 CORINTIOS 11:6

Shuc huarmi umata mana tapallisha nishpaca, acchata pitichun. Acchata tucui pitichina pingai cacpica, umata tapallichun.

2 CORINTIOS 8:23

Titoca ñucahuan pacta cancunapac allipac ruhuashpa puricmi can. Cutin caishuc ishcai huauquicunaca, caipi chaipi cac tandanacushca criccuna acllashca, Cristo alli nishca cachun ruhuaccunami cancuna.