1 CORINTIOS 10:11 - Dios Rimashcata Quillcashcami

¹¹ Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

Nuevo Testamento en Quichua Cañar 1996

¹¹ Ñaupa taitacuna chashna tucushcaca ñucanchicta yuyachishpa, tucuri punzhacunapi ñucanchic causaccunata yachachingapacmi, Dios quillcachishcapipish quillcachishca cashca.

1 CORINTIOS 10:11 Referans Kwoze

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

ROMANOS 13:11

Tucui caicunataca cunan punzhapi ima tucushcata ricushpa yuyarichic. Ñucanchic crishca punzhamanta ricucpica, quishpichina punzhaca ñami shamucun. Chaimanta ama sueñucuichicchu, ashtahuanpish riccharishca shina caichic.

1 JUAN 2:18

Cuyashca huahuacuna, tucuri punzhacunaca ñami chayamushca. Llullashpa huillac, Cristota piñac runa shamungami nishcataca uyashcanguichicmi. Chai shinallatac Cristota piñaccuna ña taucacuna ricurimucpimi tucuri punzhacuna ña chayamushcataca yachanchic.

1 CORINTIOS 9:10

ashtahuanpish ñucanchicta llaquishcamantami chashnaca nicun. Diosca ñucanchicpac allipacmi mandashcacunataca curca. Chaica, yapucpish, trillacpish granota japina yuyaihuan trabajan.

FILIPENSES 4:5

Cancuna shuccunata llaquiccuna cashcataca tucui mashna yachachuncuna. Apunchic Jesús cutimunaca ña caillapimi.

ROMANOS 4:23

Dios quillcachishcapica mana Abrahamllata chasquinamantachu nicun,

HEBREOS 10:25

Ama maijancuna shina tandanacunata saquishunchic. Chaipac randica, caishuc chaishuc tandanacushpa, Apunchic Jesús ñalla cutimuna cashcata yuyachinacushpa, ashtahuan catina yuyaita cushunchic.

HEBREOS 10:37

Dios quillcachishcapica: «Shamucca ñallami shamunga, mana unaiyangachu.

1 CORINTIOS 7:29

Cuyashca criccuna, ñucaca caitami nisha nini: Cai pachapica mana unai huatacunatachu causashun. Chaimanta huarmiyuc caricunaca, mana huarmiyuc cashca shina causachun.

SALMOS 102:18

Quipa huahuacunapish yachachunmi quillcashca canga. Quipa huahuacunapish chaita yachac chayashpaca, Mandac Diosta alabangacunami.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

SAN MATEO 13:39

Trigo chagrapi mana alli quihuata jichac shinaca, diablomi. Cosechana nishpaca, cai pacha tucurinatami nisha nin. Trigota cosechaccunaca angelcunami.

SAN MATEO 13:40

Mana alli quihuata pitishpa rupachic shinami, cai pacha tucuri punzhapica canga.

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

1 CORINTIOS 10:6

Tucui chaicunaca, paicuna shina ñucanchicpish ama millaita ruhuanata munachunmi chashnaca tucurca.

GÁLATAS 4:24

Caica shuc alli yuyarinatami yuyachin: Ishcai huarmicunaca ishcai ari nishcatami ricuchin. Agar huarmica Sinaí urcupi cushca ari nishcatami ricuchin. Maijanpish chaipac caccunaca huatashca shina cangapacmi huacharin.

GÉNESIS 19:35

Chai tutaca cutinllatacmi taitaman vinota ubiachishpa, quipa ushica taitahuan sueñurca. Ashtahuanpish taitaca ima horas siririshcatapish, ima horas jatarishcatapish mana yacharcachu.