1 CORINTIOS 1:5 - Dios Rimashcata Quillcashcami

⁵ Cristomantami cancunaca yallita yachaccunapish, allita rimaccunapish canguichic.

Nuevo Testamento en Quichua Cañar 1996

⁵ Paimantami Taita Diosca cancunataca yachaipipish, rimaipipish chayuccuna shinata ruhuashca.

1 CORINTIOS 1:5 Referans Kwoze

2 CORINTIOS 9:11

Chashna cacpimi, cancunaca tucuilayata chasquishpa, mana misarishpa, quiquin munaimanta cungapac charinguichic. Cancuna ayudashpa tandachishpa cachacpica, chaita chasquiccunaca ñucanchic chashna ruhuashcamantami Diostaca pagui ningacuna.

2 CORINTIOS 8:7

Cancunaca alli criccuna, alli huillaita huillaccuna, alli yachaccuna, cushicushpa imatapish allita ruhuaccuna, shinallatac ñucanchicta cuyaccunami canguichic. Chai shinallatacmi cancunaca imata cushpapish, Dios cuyashcamanta yallita cuna canguichic.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

FILIPENSES 1:9

Cancunamanta ñuca Diosta mañacushpaca, ashtahuan cuyaita charichun, shinallatac alli entendishpa Diosmanta allita yachac cachunmi mañani.

ROMANOS 15:14

Cuyashca criccuna, cancuna yallita cuyac cashcatapish, alli yachac cashcatapish, caishuc chaishucta cunac cashcatapish yachani.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana piñaric alli shungu tucushpa, yachac cashcataca ricuchichic.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

EFESIOS 6:19

Alli huillaita huillashpa, chai pi mana yachashcata mana manchashpa huillangapac, Dios yuyaita cuchun ñucamantapish Diosta mañaichic.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

EFESIOS 2:7

Cristo Jesusmanta ñucanchicta mai llaquishpa, yallita cuyashcata shamuc punzhacunapi ricuchingapacmi, chashnaca ruhuashca.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

1 CORINTIOS 14:26

Chai shina cacpica, cuyashca criccuna, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca mana yachashca rimaicunata rimanguichicmi, shuccunaca chai rimashcata entendichinguichicmi. Tucui caicunataca criccuna ashtahuan Jesusta catishpa sinchiyachunmi, ruhuana canguichic.

1 CORINTIOS 13:8

Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish, cuyaica jaicapi mana tucuringachu.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 8:11

Can yachashca jahua chashna ruhuashcamantaca, chai manarac sinchi cricca pacta chingaringapac rinman. Cristoca paimantapish huañurcami.

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

ROMANOS 11:12

Israelcuna mana cazushcaca tucui cai pachapi causaccunapac allipacmi cashca. Paicuna pandarishcaca mana israelcunapac allipacmi cashca. Israelcuna pandarishca mana israelcunapac allipac cacpica, israelcunata Dios quishpichicpicarin, ashtahuan alli cashcatami yachanchic.

HECHOS 2:4

Chashnami tucui chaipi caccunapi Diospac Espíritu yaicurca. Chaimantami Diospac Espíritu rimachicpi, chican chican rimaicunata rimai callarirca.

2 CORINTIOS 6:10

Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.