1 CORINTIOS 1:23 - Dios Rimashcata Quillcashcami

²³ Shina cacpipish, ñucanchicca Cristo cruzpi huañushcatami huillacunchic. Cai huillashcaca judiocunataca nanachic shinami, cutin mana judiocunamanca pucllashca shinami ricurin.

Nuevo Testamento en Quichua Cañar 1996

²³ Shina cacpipish ñucanchicca Cristo cruzpi huañushcatami huillacunchic. Cai huillashcaca israelcunataca p'iñachic shinami, cutin mana israelcunamanca pucllashca shinami ricurin.

1 CORINTIOS 1:23 Referans Kwoze

1 CORINTIOS 2:14

Diospac Espirituta mana charicca Espíritu cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

1 PEDRO 2:8

Shinallatac: «Cai rumipimi mitcarishpa urmangacuna» ninmi. Paicunaca Dios rimashcata mana cazushcamantami mitcarincuna. Paicunaca chashna tucuchun nishcami cancuna.

1 CORINTIOS 2:2

Ñuca cancunahuan cashpaca, ima shuctac yachanata mana munashpami, Jesucristomanta, pai cruzpi huañushcallamanta yachanata munarcani.

GÁLATAS 5:11

Cuyashca criccuna, ñuca cancunaman “circuncisionta ruhuanaca allimi” nishpa puricpica, judiocunaca mana piñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata piñachinmanchu.

1 CORINTIOS 1:18

Cristo cruzpi huañushcata huillashcaca, pucllashca shinami chingarinaman riccunamanca ricurin. Ashtahuanpish ñucanchic quishpirinaman riccunamanca, Diosca poderyuc cashcatami ricuchin.

SAN LUCAS 2:34

Simeonca paicunata Dios bendiciachun nishca quipa, Mariataca: —Riqui, cai huahuataca achcacuna quishpirichun, cutin maijancunaca chingarichunmi Diosca Israelpi churashca. Pai Diospac munaita ricuchicpimi, yallita piñanga.

GÁLATAS 6:14

Ñucaca imamantapish “allimi cani” mana ninichu, ashtahuanpish Apunchic Jesús cruzpi huañushcallamantami “alli cani” nini. Paimantami ñucamanca cai pachapacta ruhuanaca huañushca shina imapish mana can, shinallatac ñucapish cai pachapacta ruhuangapacca huañushca shinallatacmi cani.

SAN MATEO 13:57

Jesustaca mana crisha nircacunachu. Chaimantami Jesusca: —Dios ima nishcata huillactaca, maipipish allimi chasquin. Ashtahuanpish quiquin llactapi, quiquin familiapurapica mana uyashun nincunachu— nirca.

SAN MATEO 11:6

Cushicuichic, ñuca ima ruhuacushcata ricushpa, mana pandariccuna— nircami.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Cancunaman ñuca huillashpaca, Jesucristo ña chacatashca cashcatami allitac huillarcani.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta cuyac cashcamantami, cancunata serviccuna canchic.

1 CORINTIOS 1:28

Jatun yachaccunata yangapi churangapacmi, cai pachapi mana alli nishca, imapacpish mana valichishca yangalla gentecunata Diosca acllashca.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

1 CORINTIOS 4:10

Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.