Taitos 1:1 - God Vonana Vovokaravina

¹ Taku Pol, God ina bigabiga ma Yesu Keriso ina aposol agirugiruma. God ivonataweku ina wawaya vovinesi kurisi da vonavaghata ini tumaghanei ma inakova bubuni da yawasa manininai ina makai.

Taitos 1:1 Referans Kwoze

Rome 1:1

Taku Pol, Yesu Keriso ina bigabiga. God ikwatuku ma ivineku da ati aposol da varana biibiina ata dimei.

1 Timoti 6:3

Ma meni wawayina vibeyebeyena vibero eberaberai, ina vibeyebeyena ke Bada Yesu Keriso ina vonavaghata bo ke Kerisiyana ina keta vaghata,

2 Timoti 2:25

Ma nani wawayisi ikawapatem na nuwapikamuwai ku keta maninina kuna teresi na mikeda God ini vaghinei na i berabero ininimayei ma ina miirikupukuputei da vonavaghata inakovi.

2 Timoti 2:23

Wawaya neghaneghasi sisiya wapawapa kubiine ina vivigamowana na kekuyowesi. Kuakovi da damonai na viruwa ina tupuwa.

2 Pita 1:3

God takova bubuni ma ina rewapanai na aviyavisina takayokayowei da yawasa maninina kamonai kata makai na peyarina everevereta. God na biibiina kavakava ma kana kadara irakata ma ikwatuta da nani kadarina kamonai tamakai.

1 Timoti 3:16

Vonavaghata, God ina nota ghamaghamasi ma gavugavusi iyamsi irakata, ma notasi na weni. Ivi wawayota da viyota ikotei, Ma Kanuma Vovokaravina ivi debei da tuna na vonavaghata, Ma bade aneya matasiyai ikitai. Ma kana vava dam ma dam kamosiyai wawaya idimei, da dobu ku kudubina ivi tumaghanei, ma God iviitawei da ighae ku kunuma da kana kadara kamonai emakamakai.

2 Pita 3:11

Vonavaghata da bera nakanani ina tupuwa na dobu ma kunuma kudubina ina gwaramutui. Ma nani notanai tami na ikikava kona makai? Kota berai da ami yawasa na maninina ma mara nonowa God kota vokaravei,

1 Timoti 2:4

Ina kayowana da wawaya kudubita iti yawasita ma vonavaghata katakova bubuni.

Kolosei 2:2

Nakanani aberaberai da peyarimi ana kiiepepimi da ami nuwaviina koni sagoi. Ma ami akova ina rakata kamowa, tuna nakanani ma kanumimi ina mura. God ina nota gavugavuna na Keriso, ma konakova bubuni na notaragharagha gwabimiyai kegha.

Pilipai 1:1

Taku Pol ma Timoti akii viruwa na Yesu Keriso ina bigabiga. God ina wawaya Pilipai kamonai, tami na Yesu Keriso yavata koinuwasago ma kami koyakoyagha ma kami vinoraveraveyana yavata na kurimi kagirugiruma.

2 Korint 1:1

Taku Pol ma God ina kayowanai ivineku da taku Yesu Keriso ina aposol. Ma varesita Timoti yavata akii viruwa kagirugiruma, God ina wawaya kudubimi Korint kwanatuna ma Akeya dobuna kamonai kurimi.

Apasol 13:48

Ma kupuna damsi weni sisiyina ivi yanei na ivi nuwabiibai. Ma Bada ivi ghegheni vonana kubiine. Ma iyavo kava God ivinesi da yawasa makamakii nonowina ita viiya na ti damsi ivi tumaghana.

Epesas 2:8

God ina agabiibai irakata da ami vitumaghana kubiine ivi yawasimi. Weni tuna ke tami ami rewapanai, God nevana kava ipuyomi.

1 Jon 2:23

Wawaya God Natuna ina barei na ke kovokovoghina da ina Mamai yavata ini nuwasago. Ma wawaya kawamatarai ina vona da Yesu na God Natuna na bade ina Mamai yavata ini nuwasago.

Luk 18:7

Ma God na maninina, ma ina wawaya vovinesi i tou kurina madeghai ma didibarai etereterei na iyanesi ma bera maninina eberaberai kubiisi. Ma ke meyani da ita vonavonesi da karakava.

2 Timoti 2:10

Tuna kubiine ke ati nuwapoya, aku nota ivi rewapana vokwarakwara kamonai, iyamna God ina wawaya vovinesi kubiisi na ku gabura itereku. Ti bade Yesu Keriso tepanai yawasa makamakii nonowina ina viiya ma God kana ku kadara ina rui.

Jemes 1:1

Taku Jemes, Bada Yesu Keriso ma God i bigabiga wawayiku. Tami Israel na kami dam ivi 12 ma kovi verubogebogeyana da dobu bogii ma bogiiyai kamosiyai komakamakai na tami kurimi agirugiruma. Kiiwa kiiwa.

Revelation 1:1

Weni bukana kamonai na aviyavisina gisina kava ina tupuwa na God ti berasi ivi debei Yesu Keriso kurina. Ma Keriso, aneya ivonatawei ina vovobigabiga Jon kuriku da ati damani God ina bigabiga wawayisi kurisi.