Matiu 8:3 - God Vonana Vovokaravina

³ Ma Yesu ivororona da ivotovoni. Ma ivonei bo, “Akayokayowei. Aibiibiinim ma keyawasa.” Ma yaghiyaghinai giipo gwabinai ikovi.

Matiu 8:3 Referans Kwoze

Luk 5:13

Ma Yesu ivororona da tomowina ivotovoni ma ivonei bo, “Akayokayowei. Keyawasa.” Ma yaghiyaghinai gubagina ikuyowei da iyawasa.

Mak 1:41

Ma Yesu ivi kamyuyuwei na ivororona da tomowina ivotovoni. Ma ivona bo, “Aivaghinei. Keyawasa.”

Jon 5:21

Ikikava Mamai eberaberai da wawaya raborabobosi evovomiiri ma yawasa evereveresi, bade nakanani Natuna iyavo kava ekayokayowesi na yawasa ina veresi.

Mak 4:39

Ma Yesu ivomiiri da yanunu ma tovava iyeghisi bo, “Kovi raborabobo!” Ma yaghiyaghinai yanunu ivoterei. Ma biimara ikena.

Genesis 1:3

Vaghina ma God ivona bo, “Yasegana ketupuwa” da iyaghari.

Jon 11:43

Yesu inipowana ikovi na gamo tepanai ikiirara bo, “Lasaras, kekiibau.”

Luk 7:14

Muriyai inae ku rito ma ivotovoni ma iyavo kava ikavakavari na ivi kiimiiriyesi. Ma Yesu ivona bo, “Yaraga, avonavonem da kevomiiri.”

Mak 9:25

Yesu ikitai da wawaya peyarisi ivivi veraveruwana kurina ma yaghiyaghinai kanuma berona iyeghai bo, “Kanuma berom, kam vava kawabuta ma tinapota na kevi yaneku. Sisiya bagibagina avereverem da tomowa kikei kekiibutawei ma ke meyani da kuna vovira kurina!”

Mak 7:34

Ma itepa da ku kunuma ikita. Ma yana itawei ma tomowina kurina ivona bo, Ephphatha, weni sisiyina iyamna ‘Kevotawei.’

Mak 5:41

Imana iviini ma ivonei bo, “Talitha, koum” iyamna “Wavine kikei, kevomiiri.”

Jon 15:24

Mikeda taku bera ghamaghamasi ke ata berai na wawaya i berabero wavuna ke ita kavari. Ma nani berasi gwabisiyai aberai na ke sago wawaya dobuwai nakanani ita berai. Wawaya bera ghamaghamasi matasiyai ikitai ma kegha da taku aku Mamai yavata ebabarekai.

Matiu 12:13

Ma gibegibesina ivonei bo, “Kevororona.” Ma ivororona da imana kudubina iyawasa, iyanumi da imana nevana nakanani.

Luk 4:27

Ma bade peroveta Elaisiya ina mariyai wawaya ipeyari kirakai Israel kamonai gubaga sago kana vava giipo gwabisiyai ma ke sago kamosiyai iti yawasi. Tomowa sago kava ivi yawasi ma tuna na Siriya tomowa Neiman.”