Matiu 4:9 - God Vonana Vovokaravina

⁹ Ma Devil ivona bo, “Kuna runomeku ma kuna vokavakavariku na aviyavisina peyarina kekitakitai na ana verem da kuni badei.”

Matiu 4:9 Referans Kwoze

2 Korint 4:4

Nani wawayisi Keriso varana biibiina ke ita vivitumaghanei iyamna Seitan, tuna weni dobuna ina bada berona, imiiripaparisi da ke kovokovoghina da varana ina yasegana ita kitai. Ma Keriso na God maghimaghighina.

Revelation 19:10

Ma ina sisiya avi yanei na maghinonai avi tuwaporeruruwana ma ataweku da ata vokavakavari. Ma ivoneku bo, “Kegha. Kevoterei. God ina kina kava kevokavakavari. Taku na tam ma Keresiyana turaturam nakanani, peyarita na God ina bigabiga. Tami na debiiyai kovi mamatara da Yesu koitumaghanei. Ma Yesu ina vonavaghata ina rewapanai peroperoveta isisiya.”

Jon 16:11

Ma bade ina vonesi da mara sago God ini tupaviresi, iyamna namada ivonakiiyaragha da weni dobuna kana kiivavo wavu iviiya ma kovogha ina panani.”

1 Timoti 3:6

Ma Keresiyana kii vinoraveraveyana na namadani kava Yesu ita vivitumaghanei. Wawaya wekarakava vitumaghana ivi karei na ke kuna vinei. Mikeda kuta vinei na ita kayotata na God kovogha ita verei. Tuna nakanani ma Devil ikikava ikayotata na kovogha ipanani.

Revelation 19:16

Ma kana gara ma vaghana tepanai na kana vava weni nakanani igirumi, “Kiikiivavo i Kiivavo ma babada i Bada.”

Jon 14:30

Aku mara ke ita guri da ani sisiya kurimi, iyamna weni dobuna kana kiivavo epipisi. Ma tuna ina rewapana ke kovokovoghina da taku ina ghekuyoweku.

Jon 13:3

Ma Yesu iakovi da ina Mamai rewapana iverei da bera kudubina iti badei. Ma bade iakovi da tuna God gwabinai ioru ma ina vovira kurina.

Jon 12:31

Marana inekiibau da God wawaya dobuwai ini tupaviresi ma ini wavusi da berabero iberai. Ma bade weni dobuna kana kiivavo ina rewapana ina kutawei.

Matiu 26:15

Ivi tarakiiyanesi bo, “Yesu ani wawanei na aviyavisina ku imaku kona terei?” Ma ti na silva riririghisi ivi yavi da 30 ma ivi miiyei.

Matiu 4:10

Ma Yesu ivonapotei bo, “Seitan, kenetaweyana! Giruma katamana evonavona bo, ‘Am Bada God ina kina kava kevokavakavari ma kevotekatekei.’ ”