Matiu 4:11 - God Vonana Vovokaravina

¹¹ Ma vaghina, Devil inae. Ma Bada ina aneya viya inekiibau ma Yesu ikoyagha bubuni.

Matiu 4:11 Referans Kwoze

Matiu 26:53

Kotakovi da ati kwatu aku Mamai kurina na yaghiyaghina aneya korotosi ita vonatawesi da kubiiku iti tona.

Hibru 1:14

Ma vaghina, takovi da aneya na ke Yesu nakanani. Ti na kanukanuma, God ina bigabiga kava. Ivonataweyana da iyavo kava yawasa makamakii nonowina ina viiya na ini vitesi.

Luk 22:43

Ma aneya kunumai ioru da rewapana iverei.

Luk 4:13

Ma Devil, Yesu iruyaghai ikovi na ikuyowei inae. Inotai da mara sago taraboga biibiina ita panani da ita vovirame.

Hibru 1:6

Ma God, Natuna sago kava ivokiibuwei ku dobu na ivona bo, “Aneya kudubisi God Natuna ina vokavakavari.”

Jon 14:30

Aku mara ke ita guri da ani sisiya kurimi, iyamna weni dobuna kana kiivavo epipisi. Ma tuna ina rewapana ke kovokovoghina da taku ina ghekuyoweku.

Luk 22:53

Mara nonowa tami ma taku Taparoro Numana garina kamonai tamakamakai, ma ke kota paniku. Ma wekarakava na kami mara ipisi na nubakutuva ina rewapana ibademi.”

Mak 1:13

Mara 40 warereyai imakamakai ma nani kamonai Seitan iruruyaghai. Ma Yesu ghamoghamo dipa yavata imakamakai ma aneya ikoyakoyagha bubuni.

Matiu 4:6

Ma Devil ivona bo, “Tam God natuna, bo? Ketawem kunoru. Giruma katamana evonavona bo, ‘God ina aneya ina vonesi da ina koyagha bubunim, ma ina vokemim da kaem ke wakima ina takurei.’ ”

1 Timoti 3:16

Vonavaghata, God ina nota ghamaghamasi ma gavugavusi iyamsi irakata, ma notasi na weni. Ivi wawayota da viyota ikotei, Ma Kanuma Vovokaravina ivi debei da tuna na vonavaghata, Ma bade aneya matasiyai ikitai. Ma kana vava dam ma dam kamosiyai wawaya idimei, da dobu ku kudubina ivi tumaghanei, ma God iviitawei da ighae ku kunuma da kana kadara kamonai emakamakai.