Matiu 4:1 - God Vonana Vovokaravina

¹ Nani murinai Kanuma Vovokaravina Yesu irutini ku warere da Devil ita pisi da Yesu ita ruyaghai.

Matiu 4:1 Referans Kwoze

Hibru 2:18

Ma tuna mani ruyagha ma vokwarakwara damina iviiya, tuna kubiine kovokovoghina da iyavo kava ruyagha epanapanani na ini vitesi.

Rome 8:14

iyamna iyavo kava God ina Kanuma Vovokaravina ina vivinowesi na ti damsi na God natunatuna vaghata.

Jon 14:30

Aku mara ke ita guri da ani sisiya kurimi, iyamna weni dobuna kana kiivavo epipisi. Ma tuna ina rewapana ke kovokovoghina da taku ina ghekuyoweku.

Apasol 8:39

Okowai igheghae na yaghiyaghinai Kanuma Vovokaravina Piripo iviitawei da Itiyopiya tomowina ke ita kita meyei. Ma tomowina ere nuwabiibiina inae.

Genesis 3:15

Ma ana berai da tam ma wavinena koni kawapata. Ma bade peim ma wavinena peina yavata ini kawapata nonowa. Mara sago kaekarena kuna kani ma gayamim ini tugudai.”

Jemes 1:14

Maranai wawaya sago sago duma ruyagha epanapanani na ti mani i nota beroberosi inuwatinisi ma etitinavuresi.