Matiu 3:1 - God Vonana Vovokaravina

¹ Nani marasiyai Jon Babataito inae ku Judiya ma warere kamonai dima ivi karei.

Matiu 3:1 Referans Kwoze

Luk 1:76

Ma tam, natuku, ina kwatum da God Kiidamo Makamakiina ina peroveta. Kuni nao da Bada ina keta kuna vovunaghi.

Matiu 11:11

Vonavaghata avonavonemi da Jon Babataito na wawaya ghamana. Dobuwai kotekwa na ke sago wawaya kota panani da Jon ita ghekuyowei. Ma kegha da God ina vikiivavona kamonai na wawayota kana vava ke ita rakata na tuna ighe kirakai da Jon ighekuyowei.

Mak 1:15

Ivona bo, “Karako na marana vaghata ipisi. God ina vikiivavona namada enenekiibau kurimi. Ami berabero kovinimayei ma komiirikupukuputei. Ma God varana biibiina kovi tumaghanei!”

Matiu 16:14

Ma ivonapotei bo, “Viya evonavona da tam Jon Babataito, ma viya evonavona da tam na peroveta Elaidiya, ma viya evonavona da tam Jerimaya bo peroveta sago.”

Apasol 1:22

Karenai Jon wawaya ibababataitosi maranai da Yesu ina ku ghe marana na tuna wawayina na yavata. Bera peyarina matanai ikitai na kana vinei. Ini vitekai da kani mamatara wawaya kurisi da Yesu rabobowai ivomiiri.”

Luk 7:24

Jon ina yonayona inae ma muriyai Yesu ivi karei da koroto kurisi Jon ivi sisiyei. Ivona bo, “Rorova avi kubiine kokiibau ku warere? Aviyavisina kota kitai? Rai yanunu itapitapini na kota kitai, bo?

Matiu 11:7

Jon kana kivikivina inae ma Yesu ivi karei da koroto ghamana kurisi Jon Babataito ivivi sisiyei. Ivonesi bo, “Avi kubiine kokiibau ku warere? Ami kayowana da rai yanunu itapitapini da ituwayovana na tuna kota kitai, bo?

Matiu 3:8

Kovonavona da ami berabero komiirikupukuputei na ami yawasa iti mamatara da vonavaghata.

Matiu 21:32

iyamna Jon Babataito ipisi kurimi na yawasa maninina ketana ivi beyebeyemi ma ke koti tumaghana. Ma teks yuyuna damsi ma wivine madamadawarisi, ti na ivi tumaghana. Ma tami na kokitisi da ikikava i berabero imiimiirikupukuputei ma patana da ke koti tumaghana ma bade ami bera beroberosi ke koti nuwapoyei da kota miirikupukuputei.”

Mak 1:2

Peroveta Aisaya igiruma da God ivona bo, “Aku yonayona maghinomuwai ana vonatawei, Tuna am keta ina vovunaghi.”