Matiu 21:4 - God Vonana Vovokaravina

⁴ Yesu weni nakanani iberai da aviyavisina peroveta igirumi da ita tupuwa na itupuwa. Igiruma bo,

Matiu 21:4 Referans Kwoze

Jon 12:15

“O Zayon kwanatuna, ke kona yabumana. Kokita, ami kiivavo epipisi, tuna donki votuna tepanai igeru.”

Matiu 1:22

Weni berasi peyarina ivi debei da aviyavisina rorova mara katamaninai God peroveta Aisaya kurina ivi sisiyei da ita tupuwa na itupuwa. Aisaya weni nakanani igiruma, ivona bo,

Matiu 26:56

Ma aviyavisina peroperoveta namada igirumi da ita tupuwa na wekarakava etuputupuwa na idebei kurita da vonavaghata.” Nani murinai kana kivikivina ivoterei da iverukuyowei.

Matiu 21:3

Mikeda wawaya ikikava ina vonavonemi na kovonei bo, ‘Bada ekayokayowei.’ Ma yaghiyaghinai ini vaghinei da kona rutinisi.”

Mak 11:7

Ma donki irutini ivovira Yesu kurina. Ma kii tarasovo ivi tawanepeyana donki ku tepana ma Yesu igeru.

Luk 19:35

Ma irutini inae da Yesu kurina. Kii tarasovo donki ku tepana ivi tawanepeyana ma Yesu igeru.

Jon 12:12

Mara itom na wawaya sisiya ivi yanei da Yesu ipipisi ku Jerusalem. Ma Pasova kamna kubiine na koroto ghamana Jerusalem kamonai.