Matiu 21:11 - God Vonana Vovokaravina

¹¹ Ma nani korotona ivonapotesi bo, “Weni tuna na peroveta Yesu, ina kwanatu Nasaret, Gariri dobunai.”

Matiu 21:11 Referans Kwoze

Jon 6:14

Wawaya peyarisi ikitai da Yesu nani matakirina ghamana iberai ma ivi karei da ivivi sisiya bo, “Vonavaghata, giruma katamana na weni tomowina ivivi sisiyei. Ivona da mara sago peroveta ghamanakina ku dobu ita nekiibau.”

Jon 7:40

Ma wawaya weni sisiyina ivivi yanei na viya ivona bo, “Vonavaghata weni tomowina na ita peroveta ghamana.”

Luk 7:16

Wawaya peyarisi nani korotona kamonai iyabumana ma God ivokavakavari. Ivona bo, “Peroveta ghamana kurita inekiibau, God ipisi da tota ina wawaya ini viteta.”

Apasol 7:37

Moses tuna mani Israel damsi ivonesi bo, ‘Ikikava God ivonataweku na mara sago kami dam kamonai peroveta sago taku nakanani ina vonatawei kurimi.’

Jon 9:17

Ma Perisi damsi tomowina ivi tarakiiyana meyei bo, “Ma tam ivi yawasim na tam am nota na tuna iyai?” Ma tomowina ivonapotesi bo, “Anotanotai da tuna na God ina peroveta.”

Matiu 2:23

Tuna kubiine inae da Nasaret kwanatunai imakai. Weni berasi peyarina ivi debei da aviyavisina rorova mara katamaninai God peroperoveta kurisi ivivi sisiyei da ita tupuwa na itupuwa, ivona bo, “Wawaya ina vona da tuna Nasaret tomowa.”

Jon 4:19

Ma wavinena ivona bo, “Bada, wekarakava akovim da tam na peroveta.

Jon 1:21

Ma ivi tarakiiyanei bo, “Nakanani na tam iyai? Tam peroveta Elaidiya bo?” Ma ivonapotesi bo, “Kegha, taku ke tuna.” “Tam na nani perovetina kakoyakoyaghi bo?” Ma ivonapotesi bo, “Kegha.”

Mak 6:15

Ma wawaya viya ivonavona bo, “Tuna na Elaidiya.” Ma bade viya ivonavona bo, “Tuna na God ina peroveta, nakanani ma peroperoveta mara katamaninai.”

Luk 24:19

Ma ivi tarakiiyanesi bo, “Avi berasi?” Ma ivonapotei bo, “Aviyavisina itupuwa Nasaret wawaya Yesu kurina. Tuna na peroveta ma God ma wawaya ku matasi ina sisiya ma ina bera peyarina na ivi rewapana kirakai.

Jon 1:25

ivi tarakiiyanei bo, “Mikeda tam ke Keriso, ke Elaidiya bo ke peroveta na avi kubiine kebababataito?”

Luk 13:33

Vonavaghata da karako, maram ma mara kana viaroba na biga ke ana voterei, aku kayowanai ana nenae. Ma bade vona bubuna da peroperoveta na ke Jerusalem kupunai ita raborabobo.”

Luk 7:39

Ma Perisi tomowina weni berasi ikitai na ivi nuwanotanota bo, “Weni tomowina na ke God ina peroveta. Iti peroveta na akova God gwabinai ita viiya da nani wavinena evovotovoni na berabero wawayina.”

Matiu 21:10

Yesu irui na wawaya kudubisi Jerusalem kamonai ivi tataghanisi da ivi tarakiiyana bo, “Mede wawaya iyai?”

Matiu 21:26

Ma mikeda tavona bo, ‘Wawaya gwabisiyai’ na tayabuyabumana da weni korotona ina ravita, iyamna ti na itumaghana da Jon na God ina peroveta.”

Matiu 21:46

I kayowana da Yesu ita paniya ma koroto iyabumanesi kubiine na ivoterei, iyamna nani korotona inotanotai da Yesu na God ina peroveta.