Matiu 18:3 - God Vonana Vovokaravina

³ Ma ivonesi bo, “Vonavaghata avonavonemi, ke kona tereoruwe meyemi da tami nakanani ma ededa yoghoyogho na ke kovokovoghina kona rui God ina ku vikiivavona.

Matiu 18:3 Referans Kwoze

1 Pita 2:2

Ikikava gegeya ina kayowana ghamana da ita susu na nakanani kanumimi kana okowa miirarina kota kayowana kirakiiyei. Konumumai da nota magurimi ina terei ma yawasa makamakii nonowina kamonai kona gogo,

Matiu 19:14

Ma Yesu ivonesi bo, “Ededa yoghoyogho kovoteresi da ina pisi kuriku, ke kona tarapaparisi. Wawaya weni ededa yoghoyoghosi nakanani na God ina vikiivavona rapesiyai.”

1 Korint 14:20

Varevaresiku, ke kona berai da tami gegeya nakanani, ti na notamagura gwabisiyai ke ita terei. Tami na komagura ikovi. Ma kegha da ikikava gegeya nota didibarisi ke itakovi na tami bade nakanani nota didibarisi ke kona notai.

Jon 3:5

Yesu ivonapotei bo, “Vonavaghata avonavonem da wawaya God ina ku vikiivavona ke ina rui da kunona okowai ma Kanuma Vovokaravinai ina tupuwame na ina rui.

Jon 3:3

Yesu ivonapotei bo, “Vonavaghata avonavonem da iyavo kava ina tupuwame na ti kava God ina vikiivavona ina kitai.”

Luk 13:24

“Kovi paparana da ku matuketa gisina kona rui, iyamna wawaya ipeyari ina bera tovoni da ina rui ma kara ke kovokovoghina.

Apasol 3:19

Ma karako na ami berabero kovi nuwapoyei ma komiirikupukuputei. Komiiritavire God kurina da ami berabero ina kowatawei.

Apasol 28:27

ma nuwanuwasi ita votawei, na ita tupuwavira ma ati yawasisi. Ma kegha da nuwanuwasi igudui, ma tinisi itupapotapota, ma matasi itapotapota.’ ”

Jon 1:51

Ma ivonesi bo, “Vonavaghata avonavonemi da karakava kona kitai da kunuma ina tamotate ma God ina aneya ina gheghae ma inororu Wawaya Natusi kurina.”

Matiu 5:20

Avonavonemi, God kota votekateka kirakiiyei da Perisi damsi ma vonaviyoyovana vibeyebeyena wawayisi kota ghekuyowesi. Ke kona votekateka na God ina vikiivavona ku kamona ke kona rui.”

Luk 22:32

Ma anipowana kubiim da vitumaghana ke kuna voterei. Karakava kuna miiritavire kuriku na turaturam kuni vitesi da ti bade i vitumaghana ini rewapana.”

Mak 4:12

Peroveta Aisaya igiruma bo, ‘Ina kita ma ina kita ma ke ina kitai. Ini yana ma ini yana ma iyamna ke ina viiya. Ita kita ma iti yana na i berabero ita takuputei ma ita miiritavire God kurina na i berabero ita notatawei.’ ”

2 Pita 1:11

Ma God matuketa ina votawei da ita Bada Yesu Keriso, kata Viviyawa ina vikiivavona makamakii nonowina ku kamona kona rui ma ini kiikiiwa kirakiiyemi.

Apasol 14:22

Ma kwanatu nununai Keresiyana ikiikiiepepisi da i nota iti rewapana ma sisiya biibiisi itereterei da i vitumaghana ita vokikini. Ma ivonesi bo, “Vitumaghana damta nuwapoya bogii ma bogiiyai tapanapanani da God ina ku vikiivavona tarui.”

Matiu 19:23

Yesu kana kivikivina ivonesi bo, “Vonavaghata avonavonemi. Ipiropiro kirakai da mura wawayina God ina ku vikiivavona ina rui.

Matiu 13:15

Matasiyai ita kita, bo tinisiyai iti yana, ma nuwanuwasi ita votawei, na ita miiritavire kuriku ma ati yawasisi. Ma kegha da nuwanuwasi igudui, ma tinisi itupapotapotai, ma matasi itapotapotai.’ ”

Matiu 6:16

“Kona vivisiya na ke miiriruwaruwasi i bera nakanani kona berai. I kayowana da ini debei wawaya kurisi da ke ita kamkam ma ke itumuma. Tuna kubiine ti na maghighisi kitasi beroberosi. Vonavaghata avonavonemi, wawaya namada igheghenisi, tuna kubiine God ke ini miiyesi.

Matiu 6:5

“Ma bade ke kona nipowana miiriruwaruwasi nakanani. I kayowana ghamana da kiki numasiyai bo ketiyai ina nipowana da wawaya ina kitisi ma ini gheghenisi. Vonavaghata avonavonemi, kii miiya namada iviiya.

Matiu 6:2

“Maranai kovereverena wawaya moyamoyakisi kurisi na ke miiriruwaruwasi evereverena nakanani kona verena. Ti na tureyai iyonayona ma evereverena da kiki numasiyai ma ketiyai wawaya ina kitisi ma ini gheghenisi. Vonavaghata avonavonemi, wawaya namada igheghenisi, tuna kubiine God ke ini miiyesi.

Matiu 5:18

Vonavaghata avonavonemi, karako da kunuma ma dobu i ku damona na nani kamonai ke sago avi girumina gisi korekorena God ina vonaviyoyovana kamonai ina wapa. Aviyavisina ivi sisiyei na peyarina ina tupuwa.

Matiu 18:2

Ma Yesu wawaya kikei sago ikwatui ipisi da kamosiyai imiiri.

Matiu 18:4

Tam iyai kuna tereoruwe meyem da weni wawaya kikina nakanani na God ina vikiivavona kamonai tam kuna ghe kirakai.”